ଶତୃଘ୍ନ ସିହ୍ନାଙ୍କ ଘର ବାହାରେ ଫୁଟିଲା ଗୁଳି

ମୁମ୍ବାଇ: ବଲିଉଡ୍‌ ଅଭିନେତା ତଥା ବିଜେପି ସାଂସଦ ଶତୃଘ୍ନ ସିହ୍ନାଙ୍କ ମୁମ୍ବାଇ ସ୍ଥିତ ବାସଭବନ ଆଗରେ ଗୁଳି ଫୁଟିଛି। ଘର ବାହାରେ ସୁରକ୍ଷା ଦାୟିତ୍ୱରେ ଥିବା ପୁଲିସ୍‌ କନଷ୍ଟେବଲ୍‌ ଏଭଳି ଗୁଳି ଚାଳନା କରିଥିବା ଜଣାପଡ଼ିଛି। ତେବେ ଏଥିରେ କେହି ମୃତାହତ ହୋଇନାହାନ୍ତି।

ଗତକାଲି ସନ୍ଧ୍ୟାରେ ଶ୍ରୀ ସିହ୍ନାଙ୍କ ଜୁହୁ ସ୍ଥିତ ବାସଭବନ ଆଗରେ ଏଭଳି ଘଟଣା ଘଟିଛି। କନଷ୍ଟେବଲ୍‌ ଜଣଙ୍କ ବୁଲବଶତଃ ଗୁଳି ଚଳାଇଥିବା କୁହାଯାଉଛି। ୭୨ ବର୍ଷୀୟ ଶତ୍ରୁଘ୍ନ ବିହାରର ପାଟନା ସାହିବ ଆସନର ସାଂସଦ। ସେ  କେନ୍ଦ୍ରମନ୍ତ୍ରୀ ଭାବେ ମଧ୍ୟ କାର୍ଯ୍ୟ କରିଥିଲେ।