ଦୁର୍ବ୍ୟବହାର କରୁଥିବା ଯୁବକଙ୍କୁ ଏମିତି ସେକିଲେ ଖୁସ୍‌ବୁ

ନୂଆଦିଲ୍ଲୀ: ଅଭିନୟରୁ ରାଜନୀତିକୁ ଆସିଥିବା ଦକ୍ଷିଣ ଭାରତୀୟ ଅଭିନେତ୍ରୀ ଖୁସ୍‌ବୁ ସୁନ୍ଦରଙ୍କୁ ଦୁର୍ବ୍ୟବହାର କରୁଥିବା ଜଣେ ଯୁବକଙ୍କୁ ସେ ଚାପୁଡ଼ା ମାରିଥିବା ଜଣାପଡ଼ିଛି। ଏହି ଦୃଶ୍ୟ ବର୍ତ୍ତମାନ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।

ଏହି ଭିଡିଓରୁ ସ୍ପଷ୍ଟ ଜଣାପଡ଼ୁଛି,ଖୁସ୍‌ବୁ ନିର୍ବାଚନୀ ପରିବେଶ ଭଳି ଲାଗୁଥିବା ଏକ ଗହଳି ସ୍ଥାନ ଦେଇ ଯାଉଛନ୍ତି। ତାଙ୍କ ସହିତ କର୍ଣ୍ଣାଟକାର ଶଶନ୍ତିନଗର ବିଧାୟକ ଏନ୍‌ଏ ହାରିସ୍‌ ଏବଂ ବେଙ୍ଗାଲୁରୁ ମଧ୍ୟ ପ୍ରାର୍ଥୀ ମଧ୍ୟ ଯାଉଛନ୍ତି। କିନ୍ତୁ ହଠାତ୍‌ ସେ ବୁଲିପଡ଼ି ଜଣେ ଲୋକକୁ ଚାପୁଡ଼ା ମାରୁଛନ୍ତି।


ଏହି ଘଟଣା ବାବଦରେ ଖୁସ୍‌ବୁ କହିଛନ୍ତି, ସେ ମୋ ଦେହକୁ ଆପତ୍ତିଜନକ ଭାବେ ଛୁଇଁବାର ଚେଷ୍ଟା କରୁଥିଲା। ଏପରି ସେ ଦୁଇଥର କରିବା ପରେ ମୁଁ ବୁଲିପଡ଼ି ତାକୁ ଚାପୁଡ଼ା ମାରିଲି।

ଏହି ଅଞ୍ଚଳରୁ ପ୍ରାର୍ଥୀ ହୋଇଥିବା ରିଜ୍‌ୱାନ୍‌ ଅର୍ସାଦ୍‌ କହିଥିଲେ, ଏପରି କାର୍ଯ୍ୟ କରିଥିବା ବ୍ୟକ୍ତିକୁ ତୁରନ୍ତ ପୁଲିସ୍‌ ପଛକୁ ଠେଲିନେଇଥିଲା। ଏହା ଏକ ଦୁର୍ଭାଗ୍ୟଜନକ ଘଟଣା। ଆମେ ସେ ବ୍ୟକ୍ତି ବିଷୟରେ ବିଶେଷ କିଛି ଜାଣିନାହୁଁ, ତା’ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାପାଇଁ ମୁଁ ପୁଲିସ୍‌କୁ କହିଛି।