୪ ଦିନରେ ଆଫଗାନିସ୍ତାନକୁ ଫେରିଲେ ୧୦,୦୦୦  ଶରଣାର୍ଥୀ

କାବୁଲ: ଗତ ୪ ଦିନ ମଧ୍ୟରେ ପାକିସ୍ତାନରୁ ଆଫଗାନିସ୍ତାନକୁ ଫେରିଛନ୍ତି ୧୦,୦୦୦ ଶରଣାର୍ଥୀ । ଏହାସହ ଗତ ୬ ମାସ ମଧ୍ୟରେ ମୋଟ ୨,୦୦,୦୦୦ ଶରଣାର୍ଥୀ ଫେରିଛନ୍ତି ବୋଲି ଗୁରୁବାର ସୂଚନା ଦେଇଛି ଆଫଗାନିସ୍ତାନର ଶରଣାର୍ଥୀ ଓ ପ୍ରତ୍ୟାବର୍ତ୍ତନ ମନ୍ତ୍ରଣାଳୟ।

ପାକିସ୍ତାନ ସେନା ଓ ସରକାରଙ୍କ ଉପରେ ଆଫଗାନିସ୍ତାନ ପକ୍ଷରୁ ଚାପ ପ୍ରୟୋଗ କରାଯିବା ପରେ ଗତ ୪ ଦିନ ମଧ୍ୟରେ ଏତେ ସଂଖ୍ୟକ ଶରଣାର୍ଥୀଙ୍କୁ ମୁକ୍ତ କରାଯାଇଛି ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି।

ମନ୍ତ୍ରଣାଳୟର ମିଡିଆ ଆଡ୍‌ଭାଇଜର ହଫିଜ୍‌ ଅହମ୍ମଦ ମିଆଖାଲି କହିଛନ୍ତି, “ଶରଣାର୍ଥୀଙ୍କୁ ନେଇ ଦୁଇ ଦେଶ ମଧ୍ୟରେ ଦ୍ୱନ୍ଦ୍ୱ ଦେଖାଦେଇଥିଲା। ସରଣାର୍ଥୀଙ୍କୁ ପ୍ରତ୍ୟାବର୍ତ୍ତନ ନେଇ ପାକିସ୍ତାନ ଉପରେ ରାଜନୈତିକ ଚାପ ପ୍ରୟୋଗ କରାଯାଇଥିଲା। ଶେଷରେ ଆଫଗାନ ସରକାରଙ୍କ ଦାବିକୁ ପାକିସ୍ତାନ ସରକାର ମାନି ନେଇ ସରଣାର୍ଥୀଙ୍କୁ ଛାଡିବାକୁ ନିଷ୍ପତ୍ତି ନେଇଥିଲା।”