ସାବଧାନ! ରେଲୱେ ଷ୍ଟେସନ ଓ ବିମାନ ବନ୍ଦରରେ ଫ୍ରି ୱାଇ-ଫାଇ ସେବା ବ୍ୟବହାର କରୁଥିଲେ ହୋଇପାରେ ସାଇବର ଆକ୍ରମଣ

ଚେନ୍ନାଇ: ରେଲୱେ ଷ୍ଟେସନ କିମ୍ବା ବିମାନ ବନ୍ଦରରେ ଫ୍ରି ୱାଇ ଫାଇ ସେବା ବ୍ୟବହାର କରୁଥିଲେ ସାବଧାନ।  ଏ ସବୁ ସ୍ଥାନରେ ଇଣ୍ଟରନେଟ ପାଇଁ ଫ୍ରି ୱାଇ ଫାଇ ସେବାର ସହାୟତା ନେଉଥିଲେ ହୋଇପାରେ ସାଇବର ଆକ୍ରମଣ। ଖୋଦ ସରକାରୀ ଏଜେନ୍ସି  Indian Computer Emergency Response Team ପକ୍ଷରୁ ସତର୍କ କରି ଦିଆଯାଇଛି। ଭାରତରେ ସର୍ବସାଧାରଣରେ ଉପଲବ୍ଧ ହେଉଥିବା ଫ୍ରି ୱାଇଫାଇ ସବୁଠୁ ଅସୁରକ୍ଷିତ ବୋଲି ଏହି ସଂସ୍ଥା କହିଛି।

ଏ ସବୁ ସ୍ଥାନରେ ଚାଟିଂ, ଇମେଲ ଚେକିଂ ଏବଂ ଅନ୍ୟାନ କିଛି କାମ କଲେ ବିପଦ ରହିଛି। କାରଣ ଆପଣଙ୍କ ସିକ୍ରେଟ ପାସୱାର୍ଡ଼ ଏବଂ କ୍ରେଡିଟ ନମ୍ବର ହ୍ୟାକ୍‌ ହେବାର ଅଧିକ ଆଶଙ୍କା ରହିଛି ବୋଲି ଉକ୍ତ ସଂସ୍ଥା ପକ୍ଷରୁ ସତର୍କତା ଜାରି କରାଯାଇଛି। ଏକ ଅନ୍ତର୍ଜାତୀୟ ଗବେଷଣାରୁ ଏହି ତଥ୍ୟ ମିଳିଛି। ତେବେ ଏହା ବଦଳରେ VPN (virtual private network) and wired networks ବ୍ୟବହାର କରିବାକୁ କୁହାଯାଇଛି।