ଜିଓକୁ ମାତ୍‌ ଦେବାକୁ ଏୟାରଟେଲ ଆଣୁଛି ଶସ୍ତା ୪ଜି ସେଟ୍‌

ନୂଆଦିଲ୍ଲୀ: ଜିଓକୁ ମାତ୍‌ ଦେବା ପାଇଁ ଏୟାରଟେଲ  ଆଣୁଛି ଶସ୍ତା ୪ଜି ସେଟ୍‌ । ଜିଓ ୧୫୦୦ ଟଙ୍କାରେ ୪ଜି ସେଟ୍‌ ଦେଉଥିବା ବେଳେ ଏୟାରଟେଲ ୨୦୦୦ ଟଙ୍କାରୁ କମ୍‌ ମୂଲ୍ୟରେ ଏହି ଫୋନ୍‌ ଯୋଗାଇଦେବ। ଏନେଇ କମ୍ପାନୀ ପକ୍ଷରୁ ଜୋରଦାର ପ୍ରସ୍ତୁତି ଆରମ୍ଭ ହୋଇଛି। ଏହି ହ୍ୟାଣ୍ଡସେଟ୍‌ ଅକ୍ଟୋବର ପ୍ରଥମ ସପ୍ତାହରେ ବଜାରକୁ ଆସିପାରେ।

ତେବେ ଏନେଇ ଏୟାରଟେଲ ପକ୍ଷରୁ ଚୀନ୍‌ର ଏକ ଫୋନ୍‌ ନିର୍ମାଣକାରୀ କମ୍ପାନୀ ସହ ବୁଝାମଣା ହେବାନେଇ ଯୋଜନା ଥିବା କୁହାଯାଉଛି। ଯଦି କମ୍ପାନି ପକ୍ଷରୁ ୪ଜି ସେଟ ଲଞ୍ଚ ହୁଏ ତେବେ ଜିଓ ଭଳି ସୁବିଧା ମିଳିବ ବୋଲି କୁହାଯାଛି। ଯେମିତିକି ଜିଓ ପକ୍ଷରୁ ଫ୍ରି ଭିଡିଓ କଲିଂ, ଅସୀମିତ ଡାଟା, ଫ୍ରି ମେସେଜ୍ ଏବଂ ଫ୍ରି କଲିଂ ଆଦି ସୁବିଧା ଦିଆଯାଉଛି। ତେବେ ଏହି ୪ଜି ସେଟରେ ଆପାତତଃ ୪ଇଞ୍ଚ ଡିସପ୍ଲେ, ୧ଜିବି ରାମ ଏବଂ ୪ଜିକୁ ସପୋର୍ଟ କଲାଭଳି ଭୋଲଟି ରହିବ। ତେବେ ୧୫୦୦ ଟଙ୍କାରେ ଜିଓ ପକ୍ଷରୁ ଏବେ ଯେଉଁ ୪ଜି ସେଟ ଯୋଗାଇଦିଆଯାଉଛି ତାହା ୫୧୨ ଏମବିର ରହିଛି।