ଆଜି ରାଜ୍ୟସଭାରେ ଆସିପାରେ ଜିଏସଟି ବିଲ୍

ନୂଆଦିଲ୍ଲୀ: ଆଜି ରାଜ୍ୟସଭାରେ ଆସିପାରେ ବୁହୁ ପ୍ରତୀକ୍ଷିତ ଜିଏସଟି ବା ଗୁଡସ ଆଣ୍ଡ ସର୍ଭିସେସ୍ ଟ୍ୟାକ୍ସ ବିଲ୍ । ସଂସଦର ମୈସୁମୀ ଅଧିବେଶନ ଶେଷ ହେବାକୁ ଆଉ ୨ ଦିନ ବାକି ଥିବା ବେଳେ ସରକାର ଏହି ବିଲକୁ ରାଜ୍ୟସଭାରେ ଗୃହୀତ କରିବା ପାଇଁ ଚେଷ୍ଟା କରିବେ। ଅର୍ଥମନ୍ତ୍ରୀ ଅରୁଣ ଜେଟଲୀ ରାଜ୍ୟସଭାରେ  ସମ୍ୱିଧାନ ସଂଶୋଧନ ଜିଏସଟି ବିଲକୁ ଉପସ୍ଥାପନ କରିବା ନେଇ କାର୍ଯ୍ୟସୂଚୀ ରହିଛି। ରାଜ୍ୟସଭାରେ ବିଜେପିର ସଂଖ୍ୟା ଗରିଷ୍ଠତା ନଥିବାରୁ ସମ୍ୱିଧାନ ସଂଶୋଧନ ବିଲ୍ ପାସ୍ କରିବାରେ ସମସ୍ୟା ସୃଷ୍ଟି ହେବ। ଏଥିଯୋଗୁଁ କଂଗ୍ରେସକୁ ମନାଇବା ପାଇଁ ସରକାର ଉଦ୍ୟମ କରିବେ । ଜିଏସଟି କାର୍ଯ୍ୟକାରୀ ହେଲେ ସାରା ଦେଶରେ ଗୋଟିଏ ବଜାର ସୃଷ୍ଟି ହେବ। କେନ୍ଦ୍ର ଓ ରାଜ୍ୟର ପରୋକ୍ଷ ଟିକସ ଯଥା- କେନ୍ଦ୍ରୀୟ ଅବକାରୀ ଟିକସ, ଭ୍ୟାଟ୍, ଏଣ୍ଟ୍ରିଟ୍ୟାକ୍ସ ଓ ଅକଟ୍ରାଇ ଟ୍ୟାକ୍ସ ଭଳି ଅନେକ ଟିକସ ଉଠିଯିବ। ରାଜ୍ୟ-ରାଜ୍ୟ ଭିତରେ ସହଜରେ ଦ୍ରବ୍ୟ ଓ ସେବା ନେଣ ଦେଣ ହେବ। ଫଳରେ ବ୍ୟାବସାୟିକ ଖର୍ଚ୍ଚ କମିବ ବୋଲି ଆଶା କରାଯାଉଛି। ଗତ ମେ ୬ ତାରିଖରେ ଲୋକସଭାରେ ଏହି ବିଲ୍ ପାସ ହୋଇଥିଲା।