ବାଧକ ସାଜିଲା ‘ଓଖି’: ଅମିତ ଶାହଙ୍କ ରାଲି ରଦ୍ଦ

ଅହମ୍ମଦବାଦ: ଗୁଜରାଟ ବିଧାନସଭା ନିର୍ବାଚନ ତାରିଖ ପାଖେଇ ଆସୁଛି। ନିର୍ବାଚନ ପ୍ରଚାର ପାଇଁ ଆଉ ଦୁଇ ଦିନ ସମୟ ବାକି ଅଛି। କଂଗ୍ରେସ ଓ ବିଜେପିର ହେଭିୱେଟ୍ ନେତାମାନେ ନିର୍ବାଚନ ପ୍ରଚାର ଲାଗିପଡ଼ିଛନ୍ତି। ଏପରି ସ୍ଥଳରେ ବିଜେପି ଅଧ୍ୟକ୍ଷ ଅମିତ ଶାହ ଆଜି ଗୁଜରାଟର ୩ଟି ସ୍ଥାନରେ କରିବାକୁ ଥିବା ନିର୍ବାଚନ ରାଲି ରଦ୍ଦ ହୋଇଯାଇଛି।  ବାତ୍ୟା ‘ଓଖି’ ଅମିତଙ୍କ ବାଟ ଓଗାଳିଛି। ଅମିତ ଗୁଜରାଟର  ରାଜୁଲା, ମହୁୱା ଓ ଶିହୋରରେ ରାଲି କରିବାର ଥିଲା। ଆରବ ସାଗରରେ ସୃଷ୍ଟି ହୋଇଥିବା ବାତ୍ୟା ‘ଓଖି’  ଗୁଜରାଟ ଆଡକୁ  ଅଗ୍ରସର ହେଉଥିବାରୁ ଏସବୁ ନିର୍ବାଚନ ରାଲିକୁ  ରଦ୍ଦ କରି ଦିଆଯାଇଛି। ‘ଓଖି’  ପ୍ରଭାବରେ  ଗୁଜରାଟରେ ଜୋରରେ ପବନ ହେଉଛି। ପବନ ଯୋଗୁଁ ଅମିତଙ୍କ  ହେଲିକପ୍ଟର ଅବତରରଣ  କରିବା ସମ୍ଭବ ନଥିଲା।

ଗୁଜରାଟ ପ୍ରଥମ ପର୍ଯ୍ୟାୟ ନିର୍ବାଚନ ଡିସେମ୍ବର ୯ରେ ହେବ।  ପ୍ରଥମ ପର୍ଯ୍ୟାୟ  ନିର୍ବାଚନ ପାଇଁ ପ୍ରଚାର ୭ ତାରିଖରେ ଶେଷ ହେଉଛି।