ଆସାମରେ ବିଜୟ ବିଜେପି ପାଇଁ ସଂଜୀବନି: ଶିବସେନା

ମୁମ୍ବାଇ: ଆସାମ ବିଧାନସଭା ନିର୍ବାଚନରେ ବିଜୟକୁ ନେଇ ଆଜି ଶିବସେନା ବିଜେପିକୁ ଟାର୍ଗେଟ କରିଛି। ଦଳୀୟ ମୁଖପତ୍ର “ସାମନା”ରେ ଲେଖାଯାଇଛି, “ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ପଶ୍ଚିମବଙ୍ଗରେ ମମତା ବାନାର୍ଜିଙ୍କ ବିରୋଧରେ ନାରା ଦେଇଥିଲେ। କହିଥିଲେ, ଦିଦିଙ୍କ ଶାସନରେ ପଶ୍ଚିମବଙ୍ଗର ଭଷ୍ଟ୍ରାଚାର,ଆତଙ୍କବାଦ ଓ ଗୁଣ୍ଡାରାଜ ବଢୁଛି। କିନ୍ତୁ  ପଶ୍ଚିମବଙ୍ଗର ଜନତା ଦିଦିଙ୍କୁ  ବିଜୟର ମୁକୁଟ ପିନ୍ଧାଇଛନ୍ତି।”

 ଶିବସେନା ପକ୍ଷରୁ ଆହୁରି ମଧ୍ୟ କୁହାଯାଇଛି “ଆଞ୍ଚଳିକ ଦଳର ପ୍ରଭାବ ବଢୁଛି। ବିଜେପିକୁ ଏହି ସତକୁ ସ୍ୱୀକାର କରିବାକୁ ହେବ। ପ୍ରଥମ ଥର ପାଇଁ କେରଳ ବିଧାନସଭାରେ ଖାତା ଖୋଲିବାକୁ ବିଜେପି ସମର୍ଥ ହୋଇଛି । ଏହା ବିଜେପି ପାଇଁ ଅଚ୍ଛେ ଦିନ।”

“ସାମନା”ରେ ବିଜେପିକୁ ଆଉ ଥରେ ସମାଲୋଚନା କରାଯାଇ କୁହାଯାଇଛି, “ଆସାମ ନିର୍ବାଚନରେ ବିଜୟ ବିଜେପି ପାଇଁ ସଞ୍ଜୀବନି ନେଇଆସିଛି।  ଦିଲ୍ଲୀ ଓ ବିହାର ନିର୍ବାଚନରେ ବିଜେପିର ପରାଜୟ କଣ୍ଟା ଆସାମରେ ନିର୍ବାଚନ ଜିତିବାରେ ବାହାରିଯାଇଛି।”