ଆତଙ୍କବାଦୀଙ୍କ ଟାର୍ଗେଟରେ ଆଇଏଏସ, ଆଇପିଏସ ଅଧିକାରୀ

ନୂଆଦିଲ୍ଲୀ : ଆତଙ୍କବାଦୀ ମାନଙ୍କ ଟାର୍ଗେଟରେ ଏବେ ଦେଶର ଅମଲାତନ୍ତ୍ର। ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ୬ ଜୁଲାଇରେ ଚେତାବନୀ ଜାରି କରି କହିଛି ଯେ ଅଲ-କାଏଦା ଇନ ଇଣ୍ଡିଆନ୍ ସବକଣ୍ଟିନେଣ୍ଟ୍(ଏକ୍ୟୁଆଇଏସ) ବରିଷ୍ଠ ଆଇଏଏସ ଓ ଆଇପିଏସ ଅଫିସରଙ୍କ ଉପରେ ଆକ୍ରମଣ କରିବା ପାଇଁ ପ୍ରସ୍ତୁତି ଚଳାଇଛି।

ଗୋଇନ୍ଦା ସୂଚନା ଅନୁଯାୟୀ ଏକ୍ୟୁଆଇଏସର ମୁଖ୍ୟ ମୌଲାନା ଅସୀମ ଅମର ଭାରତୀୟ ମୁସଲମାନ ମାନଙ୍କୁ ଏହି ମାମଲାରେ ଜିହାଦ ପାଇଁ ପ୍ରବର୍ତ୍ତାଉଛନ୍ତି। କେନ୍ଦ୍ରୀୟ ଗୋଇନ୍ଦା ଏଜେନ୍ସିମାନେ ଜାଣିବାକୁ ପାଇଛନ୍ତି ଯେ ଅସୀମ ଭାରତୀୟ ମୁସଲମାନଙ୍କୁ ବରିଷ୍ଠ ଆଇଏଏସ ଓ ଆଇପିଏସ ଅଫିସରଙ୍କୁ ଟାର୍ଗେଟ କରିବା ପାଇଁ କହିଛନ୍ତି।

ଦିଲ୍ଲୀ ପୋଲିସକୁ ଚିଠି ମାଧ୍ୟମରେ ସମସ୍ତ ଅଫିସରଙ୍କ ସୁରକ୍ଷା କଡାକଡି କରିବା ପାଇଁ ପରାମର୍ଶ ଦିଆଯାଇଛି। ଅଫିସର ମାନଙ୍କ ସମେତ ତାଙ୍କ ସହ ଜଡିତ କର୍ମଚାରୀ ମାନଙ୍କର ମଧ୍ୟ ସୁରକ୍ଷା ବଢାଇବାକୁ କୁହାଯାଇଛି। ବରିଷ୍ଠ ଅଫିସରଙ୍କ ଅଫିସ୍ ସମେତ ସବୁ ପୋଲିସ ଥାନା, ସେମାନେ ରହୁଥିବା ଆବାସିକା ଓ କଲୋନୀ ଗୁଡିକରେ ସୁରକ୍ଷା ତୁରନ୍ତ ବଢାଇବାକୁ ପରାମର୍ଶ ଦିଆଯାଇଛି।