ବାବ୍ରି ମସଜିଦ ଭଙ୍ଗା ଘଟଣାକୁ ୨୫ ବର୍ଷ: ଅଯୋଧ୍ୟାରେ ସୁରକ୍ଷା କଡ଼ାକଡ଼ି, ସେଦିନ ଏମିତି ଥିଲା ଚିତ୍ର

ନୂଆଦିଲ୍ଲୀ: ବିବାଦୀୟ ବାବ୍ରି ମସଜିଦ ଢାଞ୍ଚା ଭଙ୍ଗା ଘଟଣାକୁ ଆଜି ୨୫ ବର୍ଷ ପୁରିଛି।  ଏହାକୁ ବିଭିନ୍ନ ସଂଗଠନ ଭିନ୍ନ ଭିନ୍ନ ଦିବସ ଭାବେ ପାଳନ କରୁଛନ୍ତି।  କୌଣସି ଅପ୍ରୀତିକର ଘଟଣା ଏଡ଼େଇବା ପାଇଁ ଅଯୋଧ୍ୟାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।  ସହରର ବିଭିନ୍ନ ସ୍ଥାନକୁ ଯାଞ୍ଚ କରୁଛନ୍ତି ବୋମା ନିଷ୍କ୍ରିୟକାରୀ ଦଳ।  କେବଳ ଅଯୋଧ୍ୟା ନୁହେଁ, କେନ୍ଦ୍ର ସରକାର ସମସ୍ତ ରାଜ୍ୟ ସରକାରଙ୍କୁ ମଧ୍ୟ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି ।  ଡିସେମ୍ବର ୬ ତାରିଖ ୧୯୯୨ରେ ଉତ୍ତରପ୍ରଦେଶ ଅଯୋଧ୍ୟାର ବାବ୍ରୀ ମସଜିଦକୁ ଭାଙ୍ଗି ଦିଆଯାଇଥିଲା। ୬ ଡିସେମ୍ବର ୧୯୯୨।  ଉତ୍ତରପ୍ରଦେଶ ବାବ୍ରି ମସ୍‌ଜିଦ୍‌ ଢାଞ୍ଚାକୁ ଭଙ୍ଗା ଯାଇଥିଲା।  ସରଜୁ ନଦୀ କୂଳରେ ସେଦିନ ଜମିଥିଲା କର୍ ସେବକଙ୍କ ଭିଡ଼ । ହଜାର ହଜାର ସଂଖ୍ୟାରେ ଲୋକେ ପହଞ୍ଚିଥିଲେ ଅଯୋଧ୍ୟାରେ।  ପରିସ୍ଥିତି ନିୟନ୍ତ୍ରଣ ପାଇଁ ବିଫଳ ହୋଇଥିଲେ ରାଜ୍ୟ ସରକାର।ବିଫଳ ହୋଇଥିଲେ କେନ୍ଦ୍ର ସରକାର।  ମୁଖ୍ୟମନ୍ତ୍ରୀ କଲ୍ୟାଣ ସିଂହ ସଫା ସଫା ମନା କରିଥିଲେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ।  ସେପଟେ ଦେଶର ରାଜନୀତି ରଙ୍ଗୀନ ହେଲା ଧର୍ମ ନାଁରେ।  ଆଜି ବ୍ରାବି ଢାଞ୍ଚା ଭଙ୍ଗା ଘଟଣାକୁ ପୁରିଛି ୨୫ ବର୍ଷ । ଦୀର୍ଘ ବର୍ଷ ପରେ  ବି ବାହାରି ପାରିନାହିଁ ସମାଧାନର ରାସ୍ତା।  ହାଇକୋର୍ଟ ଏବଂ ପରେ ପରେ ସୁପ୍ରିମକୋର୍ଟକୁ ପହଞ୍ଚିଛି ମାମଲା।  ତର୍କ ବିତର୍କ ମଧ୍ୟରେ ମାମଲାର ସମାଧାନ ପାଇଁ  ହୋଇଛି ପ୍ରୟାସ।

ବ୍ରାବି ଅଞ୍ଚଳରେ ରାମ ମନ୍ଦିର ଥିବା ନେଇ ଦାବି କରି ଆସୁଛନ୍ତି ବିଭିନ୍ନ ସଂଗଠନ।  ଅଞ୍ଚଳକୁ ନେଇ ପ୍ରଥମେ ୧୯୪୯ ମସିହାରେ ବିବାଦ ସୃଷ୍ଟି ହୋଇଥିଲା।  ତତ୍କାଳୀନ ମହନ୍ତ ରାମଚନ୍ଦ୍ର ଦାସ ପରମହଂସ ଅଞ୍ଚଳରେ ରାମଙ୍କୁ ପୂଜା କରାଯିବା ନେଇ ଦାବି କରିଥିଲେ।  ପରବର୍ତ୍ତି ସମୟରେ ମସ୍‌ଜିଦ୍‌ ମଧ୍ୟଭାଗରେ ରାମଲାଲାଙ୍କ ମୂର୍ତ୍ତିକୁ ସ୍ଥାପନ କରାଯାଇଥିଲା।  ଯାହା ବିରୋଧରେ କୋର୍ଟର ଦ୍ୱାରସ୍ତ ହୋଇଥିଲେ ହସିମ୍ ଅନସାରୀ।  ଏହି ସମସ୍ତ ଘଟଣାର ଏକମାତ୍ର ସାକ୍ଷୀ ଥିଲେ ହସିମ୍ ।

ତେବେ ସେମ୍ବେର ୩୦, ୨୦୧୦ରେ ଆହ୍ଲାବାଦ୍ ହାଇକୋର୍ଟ ଶୁଣାଇଥିଲେ ‌ଐତିହାସିକ ରାୟ।  ବିବାଦୀୟ ଜମିକୁ ତିନି ଭାଗରେ ବିଭକ୍ତି ପାଇଁ ଦେଇଥିଲେ ନିର୍ଦ୍ଦେଶ।  ନିରମୋହି ଆଖଡ଼ା, ସୁନୀ ୱାକଫ୍ ବୋର୍ଡ ଓ ତୃତୀୟ ଏବଂ ଅନ୍ତିମ ଅଞ୍ଚଳରେ ରାମଲାଲାଙ୍କ ମନ୍ଦିର ପାଇଁ ନିର୍ଦ୍ଦେଶ ଶୁଣାଇଥିଲେ କୋର୍ଟ।  ତେବେ ମାମଲା ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ତ ହେଲେ ସମସ୍ତ ପକ୍ଷ।  2011ରେ ମାମଲା ପହଞ୍ଚିଥିଲା ସବୋର୍ଚ୍ଚ ଅଦାଲତରେ।  ଗତକାଲିଠୁ ସବୋର୍ଚ୍ଚ ଅଦାଲତରେ ଆରମ୍ଭ ହୋଇଛି ମାମଲାର ଅନ୍ତିମ ପଯର୍ୟାୟ ଶୁଣାଣି।  ସମସ୍ତ ପକ୍ଷକୁ ଶୁଣିବା ସହ ଆହ୍ଲାବାଦ୍ ହାଇକୋର୍ଟଙ୍କ ନିକଟରେ ଦାଖଲ ସବୁ ଦସ୍ତାବିଜ୍ କୋର୍ଟଙ୍କ ନିକଟରେ ଦାଖଲ ପାଇଁ କହିଛନ୍ତି କୋର୍ଟ ।  ୮ ଫେବ୍ରୁଆରୀରେ ମାମାଲାର ହେବ ପରବର୍ତ୍ତି ଶୁଣାଣି ।

ତେବେ ଆଜି କଡ଼ା ସୁରକ୍ଷା ବଳୟ ମଧ୍ୟରେ ରହିଛି ଅଯୋଧ୍ୟା । ଅପ୍ରିତିକର ପରିସ୍ଥିତିକୁ ଏଡ଼ାଇବା ପାଇଁ ସହରର ତନ ତନ ଯାଞ୍ଚ କରୁଛି ଫୋର୍ସ । ସମୟ ବଦଳିବା ସହ ବଦଳିଛି ପରିସ୍ଥିତି।  ଆଉ ବଦଳିଛି ଲୋକଙ୍କ ଚିନ୍ତାଧାରା। କୋର୍ଟରେ ମାମଲାର ରାୟ ଆସିବା ପୂର୍ବରୁ ଆପୋଷ ବୁଝାମଣା ପାଇଁ ହୋଇଛି ପ୍ରୟାସ।