ବର୍ଷାରେ ବେହାଲ ମୁମ୍ବାଇ ସହର

ମୁମ୍ୱାଇ : ଲଗାତାର ବର୍ଷା ହେବା କାରଣରୁ ମୁମ୍ୱାଇର ଅନେକ ଅଞ୍ଚଳରେ ପାଣି ଜମିଯିବା ସହ ଜନଜୀବନ ଠପ୍ ହୋଇଯାଇଛି । ପାଣି ଜମିଥିବା ଯୋଗୁ ଯାତାୟତରେ ସମସ୍ୟା ଦେଖାଦେଇଛି । ସ୍ଥିତି ଏପରି ହୋଇଛି ଯେ, ଘରୁ ବାହାରିବା ସମ୍ଭବ ହେଉନାହିଁ । ମୁମ୍ୱାଇର ବିଭିନ୍ନ ସହର ବର୍ଷା ଯୋଗୁ ବିଶେଷ ପ୍ରଭାବିତ ହୋଇଛି । ସହରର ଅଧିକାଂଶ ଅଞ୍ଚଳରେ ଟ୍ରାଫିକ ଜାମ୍ ଯୋଗୁ ସମସ୍ୟା ଦେଖାଦେଇଛି। ବର୍ଷାପାଣିରେ କାର ଓ ଅନ୍ୟ ଯାନ ଫସି ରହିଥିବା ଦେଖିବାକୁ ମିଳିଥିଲା।

ରେଳ ଧାରଣା ଉପରେ ପାଣି ଚାଲିଥିବାରୁ ପାଲଘରା ଓ ବଇସରା ମଧ୍ୟରେ ୫ଟି ଟ୍ରେନକୁ ବାତିଲ କରିଦିଆଯାଇଛି । ବହୁ ଟ୍ରେନର ଗତିପଥ ପରିବର୍ତ୍ତନ କରାଯାଇଛି । ଅଧିକାଂଶ ଫ୍ଲ।ଇଟ ମଧ୍ୟ ବିଳମ୍ୱରେ ଚାଲିଛି । ମୁମ୍ୱାଇ କର୍ପୋରେସନ ବା ବିଏମସି ପକ୍ଷରୁ ଏ ନେଇ ଆଲର୍ଟ ଜାରି କରାଯାଇଛି । ଆସନ୍ତା ୨୪ ଘଣ୍ଟା ମଧ୍ୟରେ ପ୍ରବଳ ପବନ ସହ ବର୍ଷା ହେବାର ସମ୍ଭାବନା ରହିଛି ବୋଲି ସ୍ଥାନୀୟ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।