ବିହାରରେ ମାଓବାଦୀଙ୍କ ଲଙ୍କାକାଣ୍ଡ: ୩୨ଟି ଗାଡ଼ି ପୋଡ଼ି ଦେଲେ

ପାଟନା: ବିହାରର ଗୟା ଜିଲ୍ଲା ଅନ୍ତର୍ଗତ ଆମାସରେ ମାଓବାଦୀ ଭିଆଇଛନ୍ତି ଲଙ୍କ।କାଣ୍ଡ। ରବିବାର ପୋଲିସ୍ ଏନକାଉଣ୍ଟର  ପ୍ରତିବାଦରେ ମାଓବାଦୀମାନେ ଆଜି ବହୁ ଟ୍ରକ୍ ସହ ୩୨ଟି ଗାଡ଼ିରେ ନିଆଁ ଲଗାଇ ପୋଡ଼ି ଦେଇଛନ୍ତି। ଏପରିକି ରାସ୍ତାରେ କିଛି କାର୍ ଅଟକାଇ ଗାଡିରୁ ଆରୋହୀଙ୍କ ବାହାର କରି ସେଥିରେ ନିଆଁ ଲଗାଇ ଦେଇଛନ୍ତି। ଗତକାଲି ବିଳମ୍ୱିତ ରାତିରୁ ଆଜି ଭୋର୍ ମଧ୍ୟରେ ଏଇ କାଣ୍ଡ ଘଟାଇଛନ୍ତି ମାଓବାଦୀ। ଗତ ସପ୍ତାହରେ ଗୟାର ବାରାଛତ୍ତି ପୋଲସ୍ ଷ୍ଟେସନ୍ ଅଞ୍ଚଳରେ ମିଳିତ ବାହିନୀର ଏନକାଉଣ୍ଟର ଜଣେ ମହିଳା ମାଓବାଦୀର ମୃତ୍ୟୁ ହେବା ସହ ଅନ୍ୟ ଜଣେ ଆହତ ହୋଇଥିଲା। ଏହି ଘଟଣା ପରେ ସୁରକ୍ଷାକର୍ମୀ ୮ ଜଣ ମାଓବାଦୀଙ୍କୁ ଗିରଫ ବି କରିଥିଲେ। ଏହାର ପ୍ରତିବାଦରେ ମାଓବାଦୀ ଏହି କାଣ୍ଡ ଘଟାଇବା ସହ ଆଜିଠାରୁ ବିହାର ଓ ଝାରଖଣ୍ଡରେ ଦୁଇ ଦିନିଆ ବନ୍ଦ ଡାକରା ଦେଇଛନ୍ତି।