ବିଜେପି ଆସାମ ଲୋକଙ୍କ ଆଶା, ଆକାଂକ୍ଷା ପୂରଣ କରିବା ପାଇଁ ଚେଷ୍ଟା କରିବ : ମୋଦି

ନୂଆଦିଲ୍ଲୀ: ଆସାମ ବିଧାନସଭା ନିର୍ବାଚନରେ ବିଜେପିକୁ ବହୁମତ ମିଳିଛି। ପାର୍ଟି ପ୍ରଥମ ଥର ପାଇଁ ରାଜ୍ୟରେ ସରକାର ଗଢ଼ିବାକୁ ଯାଉଛି। ସର୍ବାନନ୍ଦ ସୋନୋୱାଲ ଆସାମର ମୁଖ୍ୟମନ୍ତ୍ରୀ ହେବେ ‍। ସେଥିପାଇଁ ମୁଁ  ବହୁତ ଖୁସି  ‍ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି କହିଛନ୍ତି।

ସେ କହିଛନ୍ତି, “ବିଜେପି ଆସାମ ଲୋକଙ୍କ  ଆଶା, ଆକାଂକ୍ଷା ପୂରଣ କରିବା ପାଇଁ ଚେଷ୍ଟା କରିବ।”

ମୋଦି ଆହୁରି ମଧ୍ୟ କହିଛନ୍ତି, “ଆସାମର ବିଜେପି କାର୍ଯ୍ୟକର୍ତ୍ତା ଓ ନେତାଙ୍କୁ ଏହି ବିଜୟ ପାଇଁ ଶୁଭେଚ୍ଛା ଜଣାଉଛି। ଏହା ବିଜେପିର ଐତିହାସିକ ଜୟ ଅଟେ।”

 ମୋଦି  ନିର୍ବାଚିତ ପ୍ରାର୍ଥୀ ସର୍ବାନନ୍ଦ ସୋନୋୱାଲଙ୍କୁ ଫୋନରେ ଶୁଭେଚ୍ଛା ଜଣାଇଛନ୍ତି।