ପ୍ରଚାର ପାଇଁ ‘ଆକାଶ ମାର୍ଗ ରେସରେ ବିଜେପି ଆଗୁଆ

ନୂଆଦିଲ୍ଲୀ: ଲୋକସଭା ନିର୍ବାଚନରେ ପ୍ରଚାର ପାଇଁ ରାଜନୈତିକ ପାର୍ଟି ଗୁଡ଼ିକ ହେଲିକପ୍ଟର ବୁକ କରିଛନ୍ତି। ସବୁଠାରୁ ଅଧିକ ଶାସକ ଦଳ ବିଜେପି ବୁକିଂ କରିଥିବାବେଳେ ଦ୍ବିତୀୟରେ କଂଗ୍ରେସ ରହିଛି। ଅନ୍ୟାନ୍ୟ ଦଳ ହେଲିକପ୍ଟର ଓ ଜେଟ ବୁକ କରିବାରେ ଅନେକ ପଛରେ ଥିବା ଜଣାପଡ଼ିଛି।
ବିଜେପି ୩୨ଟି ହେଲିକପ୍ଟର ଅଧିକ ଭଡ଼ାରେ ନେଇଛି ଯେଉଁଥିରେ ୧୨ଟି ବିଜନେସ ଜେଟ୍ ଏବଂ ୨୦ଟି ସାଧାରଣ ହେଲିକପ୍ଟର ରହିଛି। ସେହିପରି କଂଗ୍ରେସ ୧୦ଟି ହେଲିକପ୍ଟର ଏବଂ ୪ଟି ବିଜନେସ ଜେଟ ବୁକ କରିଛି।
ଇକୋନମିକ ଟାଇମ୍ସର ରିପୋର୍ଟ ଅନୁଯାୟୀ ସେସାନ ସିଟାଟିଅନ ଏକ୍ସଏଲଏସ ବିଜନେସ ଜେଟର ପ୍ରତି ଘଣ୍ଟା ଭଡ଼ା ୨ ଲକ୍ଷ ୮୦ ହଜାର ଟଙ୍କା ରହିଛି। ସେହିପରି  ପ୍ରତିଘଣ୍ଟା ୪ ଲକ୍ଷ ଟଙ୍କା ଭଡ଼ାରେ ୪ଟି ଫାଲକନ ୪୦୦ ଜେଟ ବୁକ କରିଥିବା ଜଣାପଡ଼ିଛି। ବିଜେପି ବେଲ-୪୧୨, ଅଗଷ୍ଟା-୧୦୯, ଅଗଷ୍ଟା-୧୩୯ ଭଳି ହେଲିକପ୍ଟର ବୁକ କରିଛି। ଏଗୁଡିକର ଘଣ୍ଟା ପ୍ରତି ଭଡ଼ା ୧ ଲକ୍ଷ ୮୦ ହଜାର ରୁ ୪ ଲକ୍ଷ ଟଙ୍କା ରହିଥିବା ଜଣାପଡ଼ିଛି।