‘ନମୋ ଏଗେନ୍‌’ ଟି-ଶାର୍ଟ ପିନ୍ଧି ସଂସଦ ଆସିଲେ ଏହି ସାଂସଦ

ନୂଆଦିଲ୍ଲୀ: ଆଜି ଲୋକସଭାର ଶୀତ ଅଧିବେସନର ଶେଷ ଦିନରେ ବିଜେପି ସାଂସଦ ଅନୁରାଗ ଠାକୁର ପିନ୍ଧିଥିବା ଏକ ଟି-ଶାର୍ଟକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଆଗକୁ ସାଧାରଣ ନିର୍ବାଚନ ଥିବା ବେଳେ ଶ୍ରୀ ଠାକୁର ପିନ୍ଧିଥିବା ଟି-ଶାର୍ଟର ସାମ୍ନାରେ ଏବଂ ପଛରେ ନମୋ ଏଗେନ୍‌ ବା ନମୋ ପୁଣିଥରେ ବୋଲି ଲେଖା ହୋଇଥିଲା।

ଏହି ଫଟୋଟି ସୋଶାଲ୍‌ ମିଡିଆରେ ଭାଇରାଲ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା ଉପରେ ଟ୍ୱିଟ୍‌ କରିଛନ୍ତି। ସେ ଏହା ଭଲ ଦିଶୁଛି ବୋଲି କହିବା ସହ ଶ୍ରୀ ଠାକୁରଙ୍କୁ ଟ୍ୟାଗ ମଧ୍ୟ କରିଛନ୍ତି।

କେବଳ ଅନୁରାଗ ଠାକୁର ନୁହନ୍ତି କେନ୍ଦ୍ରମନ୍ତ୍ରୀ ଥୱରଚାନ୍ଦ ଗେହଲଟ ମଧ୍ୟ ‘ ନମୋ ଏଗେନ୍‌’ ଟି-ଶାର୍ଟ ପିନ୍ଧିଥିବା ଦେଖିବାକୁ ମିଳିଛି।