ଆଫଗାନ୍‌ ରାଷ୍ଟ୍ରପତିଙ୍କ ଶୋଭାଯାତ୍ରାରେ ବିସ୍ଫୋରଣ, ୨୪ ମୃତ

କାବୁଲ: ଆଫଗାନିସ୍ତାନରେ ଏକ ନିର୍ବାଚନ ରାଲିରେ ଘଟିଥିବା ବୋମା ବିସ୍ଫୋରଣରେ ୨୪ ଜଣ ପ୍ରାଣ ହରାଇଥିବା ସୂଚନା ମିଳିଛି। ରାଜଧାନୀ କାବୁଲର ଉତ୍ତରାଞ୍ଚଳରେ ଆୟୋଜିତ ଏହି ରାଲିରେ ଆଫଗାନିସ୍ତାନ ରାଷ୍ଟ୍ରପତି ଅଶ୍ରଫ୍‌ ଘାନି ଯୋଗଦେବାର ଥିଲା। ଏହି ସମୟରେ ସେ ଘଟଣାସ୍ଥଳରେ ନଥିବାରୁ ଅଳ୍ପକେ ବର୍ତ୍ତିଯାଇଛନ୍ତି।

ଏହି ସ୍ଥାନ ବ୍ୟତୀତ ମଧ୍ୟ କାବୁଲରେ ମଧ୍ୟ ଏକ ବିସ୍ଫୋରଣ ହୋଇଛି। ଏଠାରେ ୩ ଜଣଙ୍କର ମୃତ୍ୟୁ ହୋଇଛି।

ଯଦିଓ ବର୍ତ୍ତମାନ ସୁଦ୍ଧା କୌଣସି ସଂଗଠନ ଏଥିପାଇଁ ନିଜକୁ ଦାୟୀ କରିନାହାନ୍ତି, ତାଲିବାନର ସମ୍ପୃକ୍ତି ସନ୍ଦେହ କରାଯାଉଛି। ଶାନ୍ତି ପାଇଁ ଆଲୋଚନା ଜାରି ରଖିବା ସମୟରେ ହିଁ ଏଭଳି ବୋମା ବିସ୍ଫୋରଣ ସ୍ଥାନୀୟ ବାସିନ୍ଦାଙ୍କ ନିଦ ହଜାଇଦେଇଛି।

ଆସନ୍ତା ସେପ୍ଟେମ୍ବର ୨୮ରେ ଏଠାରେ ହେବାକୁ ଥିବା ନିର୍ବାଚନ ଭଣ୍ଡୁର କରିବା ପାଇଁ ତାଲିବାନ୍‌ ପୂରା ଦମ୍‌ରେ ଉଦ୍ୟମ କରୁଛନ୍ତି। ତେବେ ଏହି ଉଦ୍ୟମରୁ ଅନ୍ୟତମ ଆଜିର ବିସ୍ଫୋରଣରେ ୧୩ ଜଣଆହତ ହୋଇଥିବା କୁହାଯାଉଛି। ଆହତଙ୍କ ମଧ୍ୟରେ ମୁଖ୍ୟତଃ ଛୋଟ ପିଲା ଥିବା କୁହାଯାଉଛି।