କହ୍ନେୟା କୁମାରଙ୍କ ନାମରେ ମାମଲା

କିଶନଗଞ୍ଜ: ପୂର୍ବରୁ ଦେଶ ବିରୋଧୀ ସ୍ଲୋଗାନ ଅଭିଯୋଗରେ ଚର୍ଚ୍ଚାକୁ ଆସିଥିବା ପୂର୍ବତନ ଜେଏନ୍‌ୟୁ ଛାତ୍ର ସଂଘ ସଭାପତି କହ୍ନେୟା କୁମାରଙ୍କ ନାମରେ ମାମଲା ରୁଜୁ ହୋଇଛି। ଏଥର ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇ ଫସିଥିବା ସୂଚନା ମିଳିଛି।

ଭାରତୀୟ ଜନତା ପାର୍ଟି ସଂଖ୍ୟା ଲଘୁ ସେଲର ବିହାର ସଭାପତି ଟିଟୁ ବଡ୍‌ୱାଲ ଚିଫ୍‌ ଜୁଡ଼ିସିଆଲ ମାଜିଷ୍ଟ୍ରେଟ୍‌ କୋର୍ଟରେ ଏକ ପିଟିସନ୍‌ ଦାୟର କରି ଏହି ଅଭିଯୋଗ ଆଣିଥିଲେ। ଏହି ଅଭିଯୋଗରେ ସେ ଦର୍ଶାଇଥିଲେ, ସୋମବାର ଦିନ କହ୍ନେୟା ଅଞ୍ଜୁମାନ ଇସଲାମିଆ ହଲ୍‌ଠାରେ ଅତ୍ୟନ୍ତ ନିମ୍ନ ରୁଚିର ମନ୍ତବ୍ୟ ଦେଇଥିଲେ।

କୋର୍ଟରେ ରୁଜୁ ହୋଇଥିବା ଏହି ମାମଲା ଖୁବ୍‌ ଶୀଘ୍ର ଶୁଣାଣି ହେବାର ଅଛି। ସିପିଆଇ ଟିକେଟ୍‌ରେ ବିହାରର ବେଗୁସରାଇ ଲୋକସଭା ଆସନରୁ ଲଢ଼ିବାକୁ ଥିବା ଏହି ଛାତ୍ର ନେତା ଏକ ଦଳୀୟ ସଭାରେ ମୋଦିଙ୍କ ବିରୋଧରେଆପତ୍ତିଜନକ ଟିପ୍ପଣୀ ସହ ଏହି ବିବାଦୀୟ ଭାଷଣ ଦେଇଥିଲେ