କଲମ୍ବିଆ ରାଷ୍ଟ୍ରପତିଙ୍କୁ ନୋବେଲ୍ ଶାନ୍ତି ପୁରସ୍କାର

ଜେନେଭା: ଚଳିତ ବର୍ଷ ଶାନ୍ତି ପାଇଁ ନୋବେଲ୍ ପୁରସ୍କାର ପାଇବାକୁ ମନୋନୀତ ହୋଇଛନ୍ତି କଲମ୍ବିଆ ରାଷ୍ଟ୍ରପତି ଜୁଆନ୍ ମାନୁଏଲ୍ ସାଣ୍ଟୋସ୍‌। ରିଭୋଲ୍ୟୁସ୍‌ନାରୀ ଆର୍ମଡ୍ ଫୋର୍ସସେ ଅଫ୍ କଲମ୍ବିଆ (ଏଫ୍‌ଏଆର୍‌ସି) ସହିତ ଗୃହ ଯୁଦ୍ଧକୁ ଶେଷ କରିବାକୁ ସେ କରିଥିବା ପ୍ରୟାସ ପାଇଁ ତାଙ୍କୁ ଏହି ସମ୍ମାନଜନକ ପୁରସ୍କାର ଦିଆଯିବାକୁ ମନୋନୀତ କରାଯାଇଛି।

ନୋବେଲ୍‌ କମିଟି ପକ୍ଷରୁ କୁହାଯାଇଛି,“ଏହି ପୁରସ୍କାରକୁ କଲମ୍ବିଆର ସମସ୍ତଙ୍କ ଲୋକଙ୍କ ପ୍ରତି ଏକ ସମ୍ମାନ ଭାବେ ମଧ୍ୟ ଦେଖାଯିବା ଉଚିତ୍। କଠିନ ପରିସ୍ଥିତି ସତ୍ତ୍ୱେ ସେମାନେ ଶାନ୍ତି ଫେରି ପାଇବାର ଆଶା ଛାଡ଼ି ନ ଥିଲେ। ଶାନ୍ତି ପ୍ରକ୍ରିୟା ଫେରାଇ ଆଣିବା ପାଇଁ ସମସ୍ତ ଦଳର ଅବଦାନ ରହିଥିଲା। ତେଣୁ ସମସ୍ତ ଦଳ ପ୍ରତି ମଧ୍ୟ ଏହା ଏକ ସମ୍ମାନ ଭାବେ ଦେଖାଯିବା ଉଚିତ୍।”

କଲମ୍ବିଆରେ ଗୃହ ଯୁଦ୍ଧ ଯୋଗୁ ୨,୨୦,୦୦୦ ଜୀବନ ଯାଇଛି। ୬ ନିୟୁତ ଲୋକ ବିସ୍ଥାପିତ ହୋଇଥିଲେ।