ପ୍ରତିନିଧି ନିଯୁକ୍ତ କଲେ ସାଂସଦ ସନ୍ନି ଦେଓଲ, କଂଗ୍ରେସର ସମାଲୋଚନା

ଗୁରୁଦାସପୁର: ବଲିଉଡ ଅଭିନେତା ତଥା ପଞ୍ଜାବ ଗୁରୁଦାସପୁର ସାଂସଦ ସନ୍ନି ଦେଓଲ ତାଙ୍କ ଲୋକସଭା ନିର୍ବାଚନମଣ୍ଡଳୀ ପାଇଁ ପ୍ରତିନିଧି ନିଯୁକ୍ତ କରିଛନ୍ତି। ତାଙ୍କ ନାମ ଗୁରୁପ୍ରିତ ସିଂହ ପଲହେରୀ। ପେଶାରେ ସେ ଜଣେ ଲେଖକ।

ତେବେ ସାଂସଦ ସନ୍ନି ଦେଓଲଙ୍କ ଏହି ନିଷ୍ପତ୍ତିକୁ ସମାଲୋଚନା କରିଛି କଂଗ୍ରେସ। ଗୁରୁଦାସପୁର ବାସୀ ସାଂସଦଙ୍କୁ ନିର୍ବାଚିତ କରିଥିଲେ, ତାଙ୍କ ପ୍ରତିନିଧିଙ୍କୁ ନୁହେଁ ବୋଲି କହିଛି କଂଗ୍ରେସ। ସାଂସଦଙ୍କ ଏପରି ନିଷ୍ପତ୍ତି ଗୁରୁଦାସପୁର ବାସୀଙ୍କ ପାଇଁ ଧୋକ୍କା ବୋଲି କଂଗ୍ରେସ କହିଛି।