ଅଯୋଧ୍ୟା ମାମଲା ପାଇଁ ଗଠନ ହେଲା ଖଣ୍ଡପୀଠ, ୧୦ରୁ ଶୁଣାଣି

ନୂଆଦିଲ୍ଲୀ: ବହୁ ଚର୍ଚ୍ଚିତ ଅଯୋଧ୍ୟା ଜମି ବିବାଦ ମାମଲାର ଶୁଣାଣି ପାଇଁ ଆଜି ସୁପ୍ରିମକୋର୍ଟ ୫ ଜଣିଆ ସାମ୍ବିଧାନିକ ଖଣ୍ଡପୀଠ ଗଠନ କରିଛନ୍ତି। ଏହି ଖଣ୍ଡପୀଠର ନେତୃତ୍ୱ ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ରଞ୍ଜନ ଗୋଗୋଇ ନେବେ।

ଜଷ୍ଟିସ୍‌ ଗୋଗୋଇଙ୍କ ବ୍ୟତୀତ ଏହି ଖଣ୍ଡପୀଠରେ ଜଷ୍ଟିସ ଏସ୍‌ଏ ବୋବଡେ, ଜଷ୍ଟିସ୍‌ ଏନ୍‌ଭି ରମଣ, ଜଷ୍ଟିସ୍‌ ଉଦୟ ଉମେଶ ଲଳିତ ଓ ଜଷ୍ଟିସ୍‌ ଡିୱାଇ ଚନ୍ଦ୍ରଚୂଡ଼ ରହିବେ। ଏହି ସାମ୍ବିଧାନିକ ଖଣ୍ଡପୀଠ ୧୦ ତାରିଖରେ ଅଯୋଧ୍ୟା ମାମଲାର ଶୁଣାଣି କରିବେ। ଏହି ମାମଲାର ନିୟମିତ ଶୁଣାଣି ହେବ କିମ୍ବା ଅନ୍ୟ କ’ଣ ବିକଳ୍ପ ରହିବ, ସେ ସମ୍ପର୍କରେ ଶୁଣାଣି ଦିନ ଖଣ୍ଡପୀଠ ନିଷ୍ପତ୍ତି ନେବେ।