ଉଦ୍‌ଘାଟନ ପୂର୍ବରୁ ଭୁଶୁଡ଼ିଗଲା ବନ୍ଧ: ବୁଡ଼ିଗଲା ରାସ୍ତାଘାଟ, ଦେଖନ୍ତୁ ଭିଡିଓ

ନୂଆଦିଲ୍ଲୀ:ଉଦ୍‌ଘାଟନର ମାତ୍ର କିଛି ଘଣ୍ଟା ପୂର୍ବରୁ ବିହାର ଭାଗଲପୁରର କହଲଗାରେ ଭୁଶୁଡ଼ି ପଡ଼ିଛି ୩୮୯ କୋଟି ଟଙ୍କା ବ୍ୟୟରେ ନିର୍ମିତ ଏକ ଡ୍ୟାମ୍ । ଫଳରେ କହଲଗାରେ କୃତ୍ରିମ ବନ୍ୟା ସୃଷ୍ଟି ହୋଇଛି । ଗାଁର ଅଧିକାଂଶ ଲୋକଙ୍କ ଘରେ ପାଣି ପଶିଯାଇଛି।  ସୂଚନା ପାଇ ପ୍ରଶାସନର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି । ଏସଡିଆରଏଫ୍ ଟିମ୍ ଦ୍ୱାରା ଉଦ୍ଧାର କାଅର୍ଯ୍ୟ  ଜାରି ରହିଛି।  ବର୍ତ୍ତମାନ ପାଣି ସହରାଞ୍ଚଳ ଆଡ଼କୁ ମାଡୁଛି ମୁଖ୍ୟମନ୍ତ୍ରୀ ନୀତିଶ କୁମାର ଆଜି ଏହାର ଉଦଘାଟନ କରିବାର ଥିଲା।  କିନ୍ତୁ ଡ୍ୟାମ୍ ଭୁଶୁଡ଼ି ପଡ଼ିବାରୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମକୁ ରଦ୍ଦ କରି ଦିଆଯାଇଛି ।

ଗଙ୍ଗା ଯୋଜନା ଅନୁଯାୟୀ ଏହି ବନ୍ଧର ନିର୍ମାଣ ହୋଇଥିଲା । ନିର୍ମାଣ ହେବା ପାଇଁ ବନ୍ଧକୁ ୪୦ ବର୍ଷ ଲାଗି ଯାଇଥିଲା।  ଏହି ଯୋଜନା ଦ୍ୱାରା ବିହାର ଓ ଝାଡ଼ଖଣ୍ଡର ୨୩ ହଜାର ହେକ୍ଚରରୁ ଅଧିକ ଜମି ଜଳସେଚିତ ହେବାର ଯୋଜନା ଥିଲା।  ମୁଖ୍ୟମନ୍ତ୍ରୀ ନୀତିଶ କୁମାର ଏଥିପାଇଁ ବୈଷୟିକ ତ୍ରୁଟିକୁ ଦାୟୀ କରିଛନ୍ତି । ସେପଟେ ବିରୋଧୀ ଆରଜେଡି ବିହାର ସରକାରଙ୍କୁ ତୀବ୍ର ସମାଲୋଚନା କରିବା ସହ ଏହାର ତଦନ୍ତ ଦାବି କରିଛନ୍ତି ।