ଦୁର୍ଘଟଣା ପାଇଁ ମୃତ ଶିଶୁର ବାପାଙ୍କୁ ଦାୟୀ କଲେ ହେମାମାଳିନୀ

ମୁମ୍ୱାଇ:  ଜୟପୁରର ଦୈସାରେ ନିକଟରେ ଗୁରୁବାର ସନ୍ଧ୍ୟାରେ ଦୁର୍ଘଟଣାର ସମ୍ମୁଖୀନ ହୋଇଥିଲେ ବଲିଉଡ୍ ଅଭିନେତ୍ରୀ ତଥା ବିଜେପି ସାଂସଦ ହେମାମାଳିନୀ। ଆଉ ଏହି ଦୁର୍ଘଟଣା ପାଇଁ ସେ ମୃତ ଶିଶୁର ବାପାଙ୍କୁ ଦାୟୀ କରିଛନ୍ତି। ଟ୍ୱିଟ୍ କରି ସେ ଏହି କଥା କହିଛନ୍ତି।

ହେମାମାଳିନୀ କହିଛନ୍ତି ଯେ ଏହି ଦୁର୍ଘଟଣାରେ ଏକ ୨ ବର୍ଷର ଝିଅର ମୃତ୍ୟୁ ଘଟିଥିବାରୁ ସେ ଦୁଃଖିତ। ତେବେ ଏହି ଦୁର୍ଘଟଣା ପାଇଁ ଶିଶୁଟିର ବାପା ହିଁ ଦାୟୀ। ସେ ଟ୍ରାଫିକ୍ ନିୟମ ମାନି ଗାଡ଼ି ଚଳାଇଥିଲେ ଏହି ଦୁର୍ଘଟଣା ଘଟିନଥାଆନ୍ତା।  ଏହା ସହିତ ସେ ମୃତ ଶିଶୁ କନ୍ୟାର ଭାଇ ଶୀଘ୍ର ଭଲ ହୋଇଯିବ ବୋଲି ଠାକୁରଙ୍କ ନିକଟରେ ପ୍ରାର୍ଥନା କରିଛନ୍ତି।

ସୂଚଚନାଯୋଗ୍ୟ, ଏହି ଦୁର୍ଘଟଣାରେ ହେମାମଳାନୀଙ୍କ ମୁଣ୍ଡରେ ଶକ୍ତ ଆଘାତ ଲାଗିଥିଲା। ଜୟପୁରରେ ଚିକିତ୍ସିତ ହେବା ପରେ ସେ ମୁମ୍ବାଇ ଫେରିଥିଲେ।