ଆସନ୍ତାକାଲି ମହା-ହରିଆଣା ରେଜଲ୍ଟ

ନୂଆଦିଲ୍ଲୀ: ଗୁରୁବାର ପ୍ରକାଶ ପାଇବ ମହାରାଷ୍ଟ୍ର ଓ ହରିଆଣା ବିଧାନସଭା ନିର୍ବାଚନ ଫଳାଫଳ। ଏଥିସହିତ ଗତ ୨୧ ତାରିଖରେ ଅନୁଷ୍ଠିତ ସମସ୍ତ ଉପନିର୍ବାଚନର ଭୋଟ୍‌ ମଧ୍ୟ ଆସନ୍ତକାଲି ଅର୍ଥାତ ୨୪ ତାରିଖରେ ଗଣନା କରାଯିବ।

ଚଳିତ ଥର ସନ୍ଧ୍ୟା ୬ଟା ସୁଦ୍ଧା ମହାରାଷ୍ଟ୍ରରେ ୨୦୧୪ ତୁଳନାରେ ୬୩.୦୮%ଠାରୁ କମ୍‌ ଅର୍ଥାତ ୬୦.୦୫% ଭୋଟ୍‌ଦାନ ହୋଇପାରିଥିଲା। ସେହିଭଳି ହରିଆଣାରେ ଚଳିତ ଥର ୬୫% ଭୋଟ୍‌ ଗ୍ରହଣ ହୋଇପାରିଛି। ଗତଥର ଏହା ୭୬.୫୪% ଥିଲା।

ପୋଲ୍‌ ଏକ୍‌ଜିଟ୍‌ ପୋଲ୍‌ କହୁଛି ମହାରାଷ୍ଟ୍ରରେ ବିଜେପି-ଶିବସେନା ମେଣ୍ଟ ବାଜିମାତ କରିବ। ମେଣ୍ଟ ମୋଟ ୨୮୮ ଆସନରୁ ୨୧୧ଟିରେ ଜିତିବ ବୋଲି ଆଶା କରାଯାଉଛି। ଅନ୍ୟପକ୍ଷରେ କଂଗ୍ରେସ-ଏନ୍‌ସିପି ୬୪ଟିରେ ସନ୍ତୁଷ୍ଟ ରହିବା କଳନା କରାଯାଇଛି। ଏଥିରେ କଳନା କରାଯାଇଛି ହରିଆଣାରେ ବିଜେପି ୯୦ରୁ ୬୬ଟି ଆସନରେ ଜିତିବା କଳନା କରାଯାଉଥିବାବେଳେ କଂଗ୍ରେସ ୧୪ଟିରେ ସନ୍ତୁଷ୍ଟ ରହିବ କୁହାଯାଉଛି।

ମିଳିଥିବା ସୂଚନା ଅନୁଯାୟୀ, ମହାରାଷ୍ଟ୍ର ଏବଂ ହରିଆଣା ସମେତ ସମସ୍ତ ସ୍ଥାନରେ ଆସନ୍ତାକାଲି ସକାଳ ୮ଟାରେ ଭୋଟ୍‌ ଗଣତି ଆରମ୍ଭ ହେବ। ନିର୍ବାଚନ କମିଶନ ୫ଟା ସୁଦ୍ଧା ରେଜଲ୍ଟ ଘୋଷଣା କରିବାର ଅଛି।