ଇରାକ୍: ୧୫ ପୋଲିସକର୍ମୀଙ୍କୁ ହତ୍ୟା କଲା ଆଇଏସ୍ ଆତଙ୍କୀ

ବାଗଦାଦ୍: ଆଇଏସ୍ ଆତଙ୍କୀ ଇରାକର ୧୫ ଜଣ ପୋଲିସ କର୍ମୀଙ୍କ ହତ୍ୟା କରିଛି। ଏହାସହ ଆତଙ୍କୀମାନେ ୪ ଜଣ ଗଣମାଧ୍ୟମର ଛାତ୍ରଙ୍କୁ ଅପହରଣ କରି ନେଇଛି।  ଇରାକର ନିନେବେହ ଅଞ୍ଚଳରେ ରହୁଥିବା ସୁରକ୍ଷାକର୍ମୀଙ୍କ କହିବାନୁସାରେ ଆଇଏସ ଆତଙ୍କୀ ସୁରକ୍ଷାକର୍ମୀଙ୍କୁ ହତ୍ୟା ଓ ଅପହରଣ କରିବା ଅଭିଯାନ ଚଳାଇଛନ୍ତି।

ମେସୁଲି ସହର ନିକଟରେ ୧୫ ସୁରକ୍ଷାକର୍ମୀଙ୍କୁ ଗୁଳିକରି ହତ୍ୟା କରିବା ପରେ ଶବ ଶ୍ମଶାନ ଘାଟକୁ ପଠାଇ ଦେଇଥିଲେ। ସ୍ଥାନୀୟ ଲୋକଙ୍କ ମଧ୍ୟରେ ଭୟ ସୃଷ୍ଟି କରିବା ପାଇଁ ଆଇଏସ୍ ଆତଙ୍କୀମାନେ ଏପରି କରିଥିବା କୁହାଯାଉଛି।