ଫେବ୍ରୁଆରୀ ୧୨ରୁ ସାଧାରଣ ଲୋକଙ୍କ ପାଇଁ ଖୋଲା ହେବ ରାଷ୍ଟ୍ରପତି ଭବନର ମୋଗଲ ଗାର୍ଡେନ୍‌

ନୂଆଦିଲ୍ଲୀ: ରାଷ୍ଟ୍ରପତି ଭବନର ପ୍ରସିଦ୍ଧ ମୋଗଲ ଗାର୍ଡେନ୍ ଫେବ୍ରୁଆରୀ ୧୨ରୁ ମାର୍ଚ୍ଚ ୧୯ ତାରିଖ ପର୍ଯ୍ୟନ୍ତ ସାଧାରଣ ଲୋକଙ୍କ ନିମନ୍ତେ ଖୋଲା ରହିବ। ଏହି ଦିନଗୁଡ଼ିକରେ ସକାଳ ସାଢ଼େ ୯ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ସାଧାରଣ ଲୋକେ ଏହି ବଗିଚା ଦେଖିପାରିବେ। ତେବେ କେବଳ ସୋମବାରଗୁଡ଼ିକରେ ଏହା ବନ୍ଦ ରହିବ ରକ୍ଷଣାବେକ୍ଷଣ କାର୍ଯ୍ୟ ସକାଶେ।

ତୁଲିପ ଓ ପ୍ରିମୁଲା ଫୁଲ ହେଉଛି ମୋଗଲ ଗାର୍ଡେନର ମୁଖ୍ୟ ଆକର୍ଷଣ। ଏହା ବ୍ୟତୀତ ଲୋକେ ସ୍ପିରିଚ୍ୟୁଆଲ୍ ଗାର୍ଡେନ୍, ହର୍ବାଲ୍ ଗାର୍ଡେନ୍, ବୋନସାଇ ଗାର୍ଡେନ୍ ଓ ମ୍ୟୁଜିକାଲ୍ ଗାର୍ଡେନ୍ ମଧ୍ୟ ବୁଲି ଦେଖିପାରିବେ। ତେବେ ବ୍ୟାଗ୍, କ୍ୟାମେରା ଅବା ଅନ୍ୟ କୌଣସି ପ୍ରକାରର ଜିନିଷ ନେଇ ଲୋକେ ରାଷ୍ଟ୍ରପତି ଭବନ ପରିସରରକୁ ପ୍ରବେଶ କରି ପାରିବେ ନାହିଁ।

ମାର୍ଚ୍ଚ ୨୦ ତାରିଖରେ ରାଷ୍ଟ୍ରପତି ଭବନର ମୋଗଲ୍ ଗାର୍ଡେନ୍ ସ୍ୱତନ୍ତ୍ର ଭାବେ କୃଷକ, ଭିନ୍ନକ୍ଷମ, ପ୍ରତିରକ୍ଷା ଓ ଅର୍ଦ୍ଧସାମରିକ ବାହିନୀର ଯବାନଙ୍କ ପାଇଁ ଖୋଲା ରହିବ।