ଅନ୍‌ଲାଇନ୍‌ରେ ନିଲାମ ହେବ ମୋଦିଙ୍କୁ ମିଳିଥିବା ଉପହାର

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମିଳୁଥିବା ଉପହାର ସବୁର ନିଲାମ କରାଯିବ। ଆସନ୍ତା ସେପ୍ଟେମ୍ବର ୧୪ରୁ ଏହି ନିଲାମ ଆରମ୍ଭ ହେବ ଏବଂ ଏଥିରୁ ମିଳିବାକୁ ଥିବା ଟଙ୍କା ନମାମି ଗଙ୍ଗେ ପ୍ରକଳ୍ପକୁ ଯିବ ବୋଲି କେନ୍ଦ୍ର ସଂସ୍କୃତି ମନ୍ତ୍ରୀ ପ୍ରହ୍ଲାଦ ସିଂହ ପଟେଲ କହିଛନ୍ତି। ଗତ ୬ ମାସରେ ମିଳିଥିବା ମୋଟ ୨,୭୭୨ଟି ଉପହାର ଏକ ଇ-ପୋର୍ଟାଲ ଜରିଆରେ ନିଲାମ କରାଯିବ।

ଆସନ୍ତା ଅକ୍ଟୋବର ୩ ତାରିଖରେ ଏହି ନିଲାମ ସରିବ। ଏଥିପାଇଁ ସର୍ବନିମ୍ନ ଦର ୨୦୦ ଟଙ୍କା ରଖାଯାଇଥିବାବେଳେ ସର୍ବାଧିକ ୨ ଲକ୍ଷ ଟଙ୍କା ରଖାଯାଇଛି। ଏହି ଉପହାରଗୁଡ଼ିକ ମଧ୍ୟରେ ଗଣେଶ, ହନୁମାନ, ଭୀମରାଓ ଆମ୍ବେଦକର, ଶିବାଜୀ ଓ ବିବେକାନନ୍ଦଙ୍କ ପ୍ରତିକୃତି ଏବଂ ୫୭୬ଟି ଶାଲ, ୯୬୪ଟି ଅଙ୍ଗବସ୍ତ୍ର, ୮୮ଟି ପଗଡ଼ି ଏବଂ ଅନ୍ୟ କିଛି ସାମଗ୍ରୀ ରହିଛି।

ଏଥିମଧ୍ୟରେ ଏକ ପ୍ରଧାନମନ୍ତ୍ରୀ ମୋଦିଙ୍କ ମୁହଁ ଥିବା ଏକ ସିଲ୍କ ପ୍ରିଣ୍ଟ ରହିଛି। ଏହାର ବେସିକ୍‌ ମୂଲ୍ୟ ୨.୫ ଲକ୍ଷ ରଖାଯାଇଛି। ଚଳିତ ବର୍ଷ ଫେବୃଆରୀରେ ମୋଦିଙ୍କୁ ମିଳିଥିବା ୧,୮୦୦ ମେମେଣ୍ଟୋ ବିକ୍ରି କରାଯାଇଥିଲା।