୧୨ ବର୍ଷ ପରେ ପୁଣି ବୁଡ଼ିଗଲା ବମ୍ବେ: ସମୁଦ୍ରରେ ଆସୁଛି ଭୟଙ୍କର ଜୁଆର

ମୁମ୍ବାଇ: ବର୍ଷା ବିପ୍ତାତ। ଭୀଷଣ ବର୍ଷାରେ ମୁମ୍ୱାଇ ବେହାଲ ।  ସମ୍ପୂର୍ଣ୍ଣଭାବେ ଜଳମଗ୍ନ ହୋଇଛି ସହର ।  ରାସ୍ତାଘାଟରେ ଲହଡ଼ି ଭାଙ୍ଗୁଛି ବର୍ଷା ଜଳ। ଲଗାଣ ବର୍ଷା ଯୋଗୁ ଟ୍ରାଫିକ୍ ଜାମ । ଜନଜୀବନ ଠପ୍‌ । ବିମାନ ସେବା,ଟ୍ରେନ ଓ ବସ୍‌ ଚଳାଚଳକୁ  ବନ୍ଦ କରାଯାଇଥିଲା।  ରାସ୍ତାଘାଟ ଓ ରେଳ ଧାରଣାରେ ଆଣ୍ଠୁଏ ଉଚ୍ଚରେ ସୁଅ ଛୁଟୁଛି ବର୍ଷା ଜଳ।  ସେହିପରି ସ୍କୁଲ୍‌ ଓ କଲେଜକୁ ମଧ୍ୟ ବନ୍ଦ କରି ଦିଆଯାଇଛି ।  

ପାଣିପାଗ ବିଭାଗର କହିବା ଅନୁଯାୟୀ ଆଗାମୀ ୨୪ଘଣ୍ଟା ପର୍ଯ୍ୟନ୍ତ ବର୍ଷା ଲାଗି ରହିବ। ସେପଟେ ସମୁଦ୍ରରେ ଉଚ୍ଚ ଜୁଆର ଆସୁଥିବାରୁ ପାଣିପାଗ ବିଭାଗ ପକ୍ଷରୁ  ସତର୍କ ଜାରି କରାଯାଇଛି। ଲୋକମାନଙ୍କୁ ବାହାରକୁ ବାହାରିବା ପାଇଁ ବାରଣ କରାଯାଇଛି। ବାନ୍ଦ୍ରା-ୱର୍ଲି ସମୁଦ୍ର ରାସ୍ତାକୁ  ବନ୍ଦ କରିଦିଆଯାଇଛି। ସେହିପରି ସରକାରୀ କର୍ମଚାରୀଙ୍କୁ ତୁରନ୍ତ ଛୁଟି କରିଦେବାକୁ  ଆଜି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନଭିସ୍‌ ନିର୍ଦ୍ଦେଶ ଦେଇଥିଲେ। ମୁମ୍ବାଇର ସାନ୍ତାକ୍ରୁଜ୍‌ ଇଲାକାରେ ପ୍ରବଳ  ବର୍ଷା ହୋଇଛି।

ଏଠି ୧୨୬ ମିମିର ବର୍ଷା ହୋଇଥିବା ରେକର୍ଡ଼ କରାଯାଛି। ସମଗ୍ର ମୁମ୍ବାଇଆଜି ସକାଳ ୮ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ବର୍ଷା ଲାଗି ରହିଛି। ଆଜି ଦିନରେ ହାରାହାରି ୧୦୫ ମିମି ବର୍ଷା ହୋଇଥିବା ରେକର୍ଡ଼ କରାଯାଇଛି। ଚିତ୍ର ଏମିତି  ମୁମ୍ବାଇବାସୀଙ୍କୁ ପୁଣିଥରେ ୨୦୦୫ ଘଟଣାର ସ୍ମୁତିକୁ ତାଜା କରିଦେଇଛି। ୨୦୦୫ ଜୁଲାଇ ୨୬ରେ ଏମିତି ମୂଷଳଧାରାରେ ବର୍ଷା ହୋଇଥିଲା। ପ୍ରାକୃତିକ ବିପର୍ଯ୍ୟ ଘଟି  ଶତାଧିକ ଲୋକଙ୍କ ମୃତ୍ୟୁ ଘିଟିଥିଲା  ଏବଂ ଅନେକ କ୍ଷୟକ୍ଷତି ଘଟିଥିଲା।  ୧୨ ବର୍ଷ ପରେ ପୁଣିଥରେ ମୁମ୍ବାଇରେ ଏମିତି ଚିତ୍ର ଦେଖିବାକୁ ମିଳିଛି।