ଜାତିସଂଘ ମାନବିକ ଅଧିକାର ପରିଷଦକୁ ଭାରତ ନିର୍ବାଚିତ

ଜାତିସଂଘ (ଓଡ଼ିଶା ରିପୋର୍ଟର): ଭାରତ ଜାତିସଂଘର ଶୀର୍ଷ ମାନବିକ ଅଧିକାର ପରିଷଦକୁ ୩ବର୍ଷ ପାଇଁ ନିର୍ବାଚିତ ହୋଇଛି। ୨୦୧୯ ମସିହା ଜାନୁଆରୀ ୧ ତାରିଖରୁ ଏହି ଅବଧି ଆରମ୍ଭ ହେବାକୁ ଥିବାବେଳେ ଏସୀୟ-ପ୍ରଶାନ୍ତ ମହାସାଗରୀୟ ଅଞ୍ଚଳରୁ ଭାରତ ୧୮୮ଟି ଭୋଟ୍‌ ପାଇ ନିର୍ବାଚିତ ହୋଇଛି।

ଜାତିସଂଘର ୧୯୩ ଜଣ ସଦସ୍ୟଙ୍କ ସାଧାରଣ ଅଧିବେଶନରେ ଜାତିସଂଘ ମାନବାଧିକାର ପରିଷଦର ନୂତନ ସଦସ୍ୟ ପାଇଁ ହୋଇଥିବା ନିର୍ବାଚନରେ ଭାରତକୁ ଏହି ସଫଳତା ମିଳିଛି। ଗୁପ୍ତ ବାଲଟ୍‌ ଯୋଗେ ହୋଇଥିବା ନିର୍ବାଚନରେ ୧୮ ନୂତନ ସଦସ୍ୟଙ୍କୁ ଏଥିରେ ଯୋଡ଼ାଯାଇଛି।

ଦେଶଗୁଡ଼ିକୁ ଏହି ପରିଷଦକୁ ନିର୍ବାଚିତ ହେବାପାଇଁ ସର୍ବମୋଟ ୯୭ଟି ଭୋଟ ଆବଶ୍ୟକ ହେଉଥିଲା। ଭାରତ ସମେତ ଏସୀୟ-ପ୍ରଶାନ୍ତ ମହାସାଗରୀୟ ଅଞ୍ଚଳରୁ ଭାରତ ବ୍ୟତୀତ ବାହରିନ୍‌, ବାଂଲାଦେଶ, ଫିଜି ଏବଂ ଫିଲିପାଇନ୍ସ ଏଥିରେ ସାମିଲ ହୋଇଛନ୍ତି।