ଜମ୍ମୁ-କାଶ୍ମୀର ହିଂସା ନେଇ ପ୍ରଧାନମନ୍ତ୍ରୀଙ୍କୁ ଭେଟିଲେ ଓମାର ଅବଦୁଲ୍ଲା

ନୂଆଦିଲ୍ଲୀ: ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲାଙ୍କ ନେତୃତ୍ୱରେ ବିରୋଧୀ ଦଳ ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିଛନ୍ତି। ଜମ୍ମୁ-କାଶ୍ମୀରରେ ଚାଲିଥିବା ହିଂସାକୁ ନେଇ ଆଲୋଚନା ସମୟରେ ପେଲେଟ୍‌ ଗନ୍‌କୁ ତୁରନ୍ତ ବ୍ୟାନ୍‌ କରିବାକୁ ଦାବି କରାଯାଇଛି।

ପ୍ରଧାନମନ୍ତ୍ରୀଙ୍କ ସହ ସାକ୍ଷାତ ପରେ ଓମାର ଅବଦୁଲ୍ଲା କହିଛନ୍ତି,“ ଜମ୍ମୁ କାଶ୍ମୀର ରାଜନୀତିକୁ ଆଖାଡ଼ା କରିବା ଉଚିତ୍‌ ନୁହେଁ। ଏବେ ଆରୋପ ଓ ପ୍ରତ୍ୟାରୋପ କରିବାର ସମୟ ନାହିଁ।”

ସୂଚନାଯୋଗ୍ୟ, ଗତ ଜୁଲାଇ ୮ରେ  ହିଜୁବୁଲ୍‌ ମୁଜାହିଦ୍ଦିନ୍‌ର ଆତଙ୍କବାଦୀ ବୁରହାନ୍ ୱାନିଙ୍କ ସୁରକ୍ଷାକର୍ମୀଙ୍କ ଗୁଳିରେ ମୃତ୍ୟୁ ହୋଇଥିଲା। ଏହାପରେ ଘାଟିରେ ଉତ୍ତେଜନା ସୃଷ୍ଟି ହୋଇଥିଲା। ବର୍ତ୍ତମାନ ପର୍ଯ୍ୟନ୍ତ ଜମ୍ମୁ-କାଶ୍ମୀର ହିଂସାରେ ପ୍ରାୟ ୭୦ ଲୋକଙ୍କ ମୃତ୍ୟୁ ଘଟିଛି।