ଜନଧନ ଯୋଜନା ସମ୍ପୂର୍ଣ୍ଣ ସଫଳ ହୋଇଛି : ମୋଦି

ନୂଆଦିଲ୍ଲୀ: ଆର୍ଥିକ ସଂସ୍କାର ସ୍ପ୍ରିଣ୍ଟ ନୁହେଁ ମାରାଥନ୍। ୧୭ମାସ ତଳେ ନୂଆ ସରକାର କ୍ଷମତାକୁ ଆସିବା ପରଠାରୁ ଦେଶରେ ଅର୍ଥନୀତି କ୍ଷେତ୍ରରେ ଅନେକ ସୁଧାର ଆସିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ଶୁକ୍ରବାର କେନ୍ଦ୍ର ଅର୍ଥ ମନ୍ତ୍ରାଳୟ ପକ୍ଷରୁ ଦିଲ୍ଲୀରେ ଆୟୋଜିତ ଇକୋନମିକ୍ କନକ୍ଲେଭ-୨୦୧୫ରେ ଯୋଗ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ ଜନଧନ ଯୋଜନା ସମ୍ପୂର୍ଣ୍ଣ ସଫଳ ହୋଇଛି। ଏହି ଯୋଜନାରେ ବର୍ତ୍ତମାନ ସୁଦ୍ଧା ୨୬ ହଜାର କୋଟି ଟଙ୍କା ଜମା ହୋଇଛି। ଏହି ସରକାର ଅମଳରେ ଜାତୀୟ ଅଭିବୃଦ୍ଧି ହାର ବୃଦ୍ଧି ପାଇଥିବାବେଳେ ମୁଦ୍ରାସ୍ଫୀତି ନିମ୍ନଗାମୀ ହୋଇଛି। ବୈଦେଶିକ ପୁଞ୍ଜି ନିବେଶ ମଧ୍ୟ ଦେଶରେ ବୃଦ୍ଧି ପାଇଛି ବୋଲି କହିଛନ୍ତି ପ୍ରଧାନମନ୍ତ୍ରୀ।

ଦେଶରେ ପଛୁଆ ରାଜ୍ୟ ଭାବେ ଗଣା ଯାଉଥିବା ଓଡ଼ିଶା, ଛତିଶଗଡ଼ ଓ ଝାଡ଼ଖଣ୍ଡ କିଭଳି ପ୍ରଗତି କରୁଛନ୍ତି ଏସବୁ ରାଜ୍ୟର ଉଦାହରଣ ଭାଷଣ ପ୍ରସଙ୍ଗରେ ଦେଇଥିଲେ ମୋଦି।