ଝାଡଖଣ୍ଡ: ୨୧ ବର୍ଷ ପୁରୁଣା ମାମଲାରେ ବିଧାୟକଙ୍କୁ ୭ ବର୍ଷ ଜେଲ୍

ରାଞ୍ଚି: ୨୧ ବର୍ଷ ପୁରୁଣା ମାମଲାର ଶୁଣାଣି କରି ଲୋହରଦଗା ନିର୍ବଚନ ମଣ୍ଡଳୀର ଅଜସୁ (ଅଲ ଝାଡଖଣ୍ଡ ଷ୍ଟୁଡେଣ୍ଟ ୟୁନିୟନ) ପାର୍ଟିର ବିଧାୟକ କମଳ କିଶୋର ଭଗତଙ୍କୁ ରାଞ୍ଚିର ଏକ ଅଦାଲତ ମଙ୍ଗଳବାର ୭ ବର୍ଷର ଜେଲ୍ ଦଣ୍ଡ ସହ ୧୦ ହଜାର ଟଙ୍କାର ଜରିମାନା କରିଛନ୍ତି । ଡାକ୍ତର କେ.କେ. ସିହ୍ନାଙ୍କ ଉପରକୁ ଆକ୍ରମଣ ଓ ମାରପିଟ ଅଭିଯୋଗରେ ବିଧାୟକଙ୍କୁ ଏହି ଦଣ୍ଡ ଦିଆଯାଇଛି । କୋର୍ଟ ସୋମବାର କିଶୋର ଭଗତ ଓ ଅଲେଷ୍ଟିୟର୍ ବେଦରାଙ୍କୁ ଦୋଷୀ ସାବ୍ୟସ୍ତ କରିଥିଲେ । ମଙ୍ଗଳବାର ଏହି ଘଟଣାର ସଜ୍ଜା ଶୁଣାଯାଇଥିଲା । କୋର୍ଟଙ୍କ ଶୁଣାଣି ପରେ କମଳ କିଶୋର ଭଗତଙ୍କ ବିଧାନସଭା ସଦସ୍ୟ ପଦ ରଦ୍ଦ ହୋଇଯାଇଛି ।ସୂଚନାଯୋଗ୍ୟ, ୧୯୯୩ ସେପ୍ଟମ୍ୱର ୨୮ରେ ବିଧାୟକ କମଳଙ୍କ ସହ ୩ ଜଣ ସଦସ୍ୟ ବାରିୟାତୁ ରୋଡ ବଡଗାୟୀ ସ୍ଥିତ ଡାକ୍ତର କେ.କେ. ସିହ୍ନାଙ୍କ ଚାମ୍ୱରରେ ପଶି ଆକ୍ରମଣ କରିବା ସହ ଗୁଳି ଫୁଟାଇଥିଲେ ।