ତିନି ବର୍ଷର ଝିଅକୁ ଛାଡ଼ି ଜୈନଭିକ୍ଷୁ ହେବାକୁ ବାହାରିଥିବା ଦମ୍ପତିଙ୍କ ବାଟ ଓଗାଳିଲା ପ୍ରଶାସନ, ଦୀକ୍ଷା ସମାରୋହ ଉପରେ ରୋକ୍

ନୂଆଦିଲ୍ଲୀ: ନିଜ ୩ ବର୍ଷର ଝିଅ ନାଁରେ ୧୦୦ କୋଟି ଟଙ୍କାର ସଂପତ୍ତି ଛାଡ଼ି ଜୈନଭିକ୍ଷୁ ହେବାକୁ ବାହାରିଥିବା କୋଟିପତି ଦମ୍ପତ୍ତିଙ୍କ ବାଟ ଓଗାଳିଲା ପ୍ରଶାସନ।  ଆଜି ହେବାକୁ ଥିବା ଦୀକ୍ଷା ସମାରୋହ ଉପରେ ପ୍ରଶାସନ ରୋକ୍ ଲଗାଇଛି।

ଯୁବ ଦମ୍ପତି ସୁମିତ ରାଠୋର ଓ ଅନାମିକା ରାଠୋର ସୁରତର ଏକ ଜୈନ ମନ୍ଦିରରେ ସୁଦ୍ଧମାର୍ଗି ଜୈନ ଆଚାର୍ଯ୍ୟ ରାମଲାଲ ମହାରାଜଙ୍କଠାରୁ ଆଜି ଦୀକ୍ଷା ଗ୍ରହଣ କରିବାର ଥିଲା। କିନ୍ତୁ ଏହି ଦୀକ୍ଷା ସମାରୋହ ଉପରେ ପ୍ରଶାସନ ବର୍ତ୍ତମାନ ରୋକ୍ ଲଗାଇ ଦେଇଛି। ପ୍ରଶାସନର କହିବା ମୁତାବକ ୩ ବର୍ଷର ଝିଅ ଇଭାଙ୍କ ଲାଳନପାଳନ ପାଇଁ ମାଆର ଆବଶ୍ୟକତା ରହିଛି। ଏଥିସହ ଇଭାକୁ ମାତ୍ର ୩ ବର୍ଷ ହୋଇଥିବାରୁ ତାର ଗାର୍ଡିଅନସିପକୁ ନେଇ ମଧ୍ୟ ପ୍ରଶ୍ନ ଉଠୁଛି। ତେଣୁ ଗାର୍ଡିଅନସିପକୁ ନେଇ ଆଇନଗତ କାମ ଶେଷ ନ ହେବା ଯାଏଁ ଅନାମିକା ଦୀକ୍ଷା ନେଇପାରିବେ ନାହିଁ ବୋଲି ପ୍ରଶାସନ ସ୍ପଷ୍ଟ କରିଛି।

ପ୍ରଥମେ ଇଭାର ଲାଳନପାଳନ ଓ ଗାର୍ଡିଅନସିପକୁ ନେଇ ମହିଳା ଓ ଶିଶୁ ଆୟୋଗ ଅଭିଯୋଗ କରିଥିଲା। ୩ ବର୍ଷର ଝିଅ ନାଁରେ ଶହେ କୋଟିରୁ ଅଧିକ ଟଙ୍କାର ସଂପତ୍ତି ଛାଡ଼ି ଜୈନମୁନିର ଦୀକ୍ଷା ନେବାକୁ ନିଷ୍ପତ୍ତି ପରେ ଏହି ଯୁବ ଦମ୍ପତି ଚର୍ଚ୍ଚାରେ ଥିଲେ।

ଆହୁରି ପଢ଼ନ୍ତୁ- ୩ ବର୍ଷର ଝିଅ ଓ ଶହେ କୋଟିର ସମ୍ପତ୍ତି ଛାଡ଼ି ଜୈନଭିକ୍ଷୁ ସାଜିବେ ଦମ୍ପତି