ଜେଏନ୍‌ୟୁରେ ଲାଗିଲା ଦେଶ ବିରୋଧୀ ପୋଷ୍ଟର

ନୂଆଦିଲ୍ଲୀ: ଦେଶ ବିରୋଧୀ ସ୍ଲୋଗାନ‌୍ ପରେ ଏବେ ଦେଶ ବିରୋଧୀ ପୋଷ୍ଟରକୁ ନେଇ ପୁଣି ବିବାଦ ମଧ୍ୟକୁ ଚାଲି ଆସିଛି ଦିଲ୍ଲୀ ସ୍ଥିତ ଜବାହାରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନ୍‌ୟୁ)। ଶନିବାର ଜେଏନ୍‌ୟୁ ପରିସରରେ ଦେଶ ବିରୋଧୀ ପୋଷ୍ଟର ଲଗାଯାଇଥିବା ଦେଖିବାକୁ ମିଳିଥିଲା। ଏଥିରେ କାଶ୍ମୀରକୁ ସ୍ୱାଧୀନ କରିବା ଲାଗି ଦାବି କରାଯାଇଥିଲା। ତା’ସହିତ ଭାରତକୁ ଏକ ଜେଲ‌୍ ଭାବେ ଅଭିହିତ କରାଯାଇଥିଲା। ପୁଣି ଆସନ୍ତା ମାର୍ଚ୍ଚ ୧୨ ତାରିଖ ପର୍ଯ୍ୟନ୍ତ ଏହି ପୋଷ୍ଟରଟିକୁ ଉକ୍ତ ସ୍ଥାନରୁ ନ ହଟାଇବାକୁ ଅନୁରୋଧ କରାଯାଇଥିଲା। ପୋଷ୍ଟର ତଳେ କୌଣସି ସଂଗଠନର ନାମ ଲେଖାଯାଇ ନ ଥିଲା। ତେବେ ପୋଲିସ‌୍ ଏ ଘଟଣାରେ ଚାରି ଜଣ ଛାତ୍ରଙ୍କୁ ପଚରାଉଚରା କରିଛି।

ପୂର୍ବରୁ ଦେଶ ବିରୋଧୀ ସ୍ଲୋଗାନ‌୍ ଦେବା ଅଭିଯୋଗରେ ଜେଏନ୍‌ୟୁ ଛାତ୍ର ସଂସଦ ସଭାପତି କହ୍ନେୟା କୁମାରଙ୍କ ସମେତ ଅନ୍ୟ ଦୁଇ ଜଣ ଉମର ଖାଲିଦ ଓ ଅନିର୍ବାଣକୁ ଦିଲ୍ଲୀ ପୋଲିସ‌୍ ଗିରଫ କରିଛି। ସେମାନଙ୍କୁ ଜେରା ଜାରି ରହିଛି।