ସଡ୍‌ନ ବ୍ରେକ୍‌ ମାରିବାରୁ ଘଟିଥିଲା ଦୁର୍ଘଟଣା!

ଭୁବନେଶ୍ୱର/ନୂଆଦିଲ୍ଲୀ: ପୁରୀ-ହରିଦ୍ୱାର ଉତ୍କଳ ଏକ୍ସପ୍ରେସ ଯାଉଥିବା ଟ୍ରାକ୍‌ରେ ମରାମତି କାମ ଚାଲିଥିଲା। ଏନେଇ ଟ୍ରେନ୍‌ ଚାଳକଙ୍କୁ କୌଣସି ସୂଚନା ଦିଆଯାଇନଥିଲା। ତେଣୁ ଚାଳକ ହଠାତ ବ୍ରେକ୍‌ ମାରିବାରୁ ଟ୍ରେନ୍‌ ଓଲଟି ପଡ଼ିଥିଲା।  ଏନେଇ ସୂଚନା ଦେଇଛନ୍ତି ଉତ୍ତରପ୍ରଦେଶ(ୟୁପି) ପ୍ରିନ୍ସପାଲ ସେକ୍ରେଟାରୀ (ହୋମ୍‌) ଅରବିନ୍ଦ କୁମାର।

ମୁଜାଫରନଗଠାରୁ ୨୫ କିଲୋମିଟର ଦୂର ଖତୌଲି ନିକଟରେ ଘଟିଥିବା ଟ୍ରେନ୍‌ର ୧୪ ବଗି ଲାଇନ୍‌ ଚ୍ୟୁତ ହେବାରୁ ୨୩ ଜଣଙ୍କ ମୃତ୍ୟୁ ଘଟିଥିବା ବେଳେ ୪୦ରୁ ଅଧିକ ଆହତ ହୋଇଥିଲେ। ଆହତଙ୍କୁ ମୀରତ ମେଡ଼ିକାଲ କଲେଜରେ ଭର୍ତ୍ତି କରାଯାଇଛି। ଏବେ ମଧ୍ୟ ବଗି କଟାଯାଇ ଯାତ୍ରାଙ୍କ ଉଦ୍ଧାର କରାଯାଛି। ଦୁର୍ଘଟଣା ସ୍ଥଳରେ ୟୁପି ଏଟିଏସ୍‌ ପହଞ୍ଚି ତଦନ୍ତ ଚଳାଇଛି। ଏନ୍‌ଡିଆର୍‌ଏଫ୍‌ର ୪ଟି ଦଳ ଉଦ୍ଧାର କାର୍ଯ୍ୟରେ ଲାଗିଛନ୍ତି। ଅନ୍ୟପକ୍ଷରେ ଘଟଣାର ତଦନ୍ତ କରାଯାଇ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରେଳମନ୍ତ୍ରୀ ସୁରେଶ ପ୍ରଭୁ ସୂଚନା ଦେଇଛି।

ଘୋଷଣା ହେଲା ହେଲ୍‌ପ ଲାଇନ୍‌ ନଂ.

ଏଥିପାଇଁ ରେଳ ବିଭାଗ ପକ୍ଷରୁ ହେଲ୍ପ ଲାଇନ୍‌ ନମ୍ୱର ଘୋଷଣା କରାଯାଇଛି। ହେଲ୍ପ ଲାଇନ୍ ନମ୍ବର ଗୁଡ଼ିକ ହେଲା 0674-2490670, 0674-2534027, 06752-1072, 06752-226717, 0674-2303060, 0674-2492411, 8455885936, କଟକ-୦୬୭୧-୨୨୦୦୫୬୮, ଯାଜପୁର- ୦୬୭୨୬-୨୨୦୫୯୯, ମୁଜାଫରନଗର- ୦୧୩୧-୨୬୪୫୨୩୮।

ଦୁଃଖପ୍ରକାଶ କଲେ ପିଏମ୍‌ ଓ ସିଏମ୍‌

ଆସନ୍ତାକାଲି ଦୁର୍ଘଟଣାସ୍ଥଳକୁ ଯିବ ଓଡ଼ିଶାର ଏକ ଟିମ୍। ପରିବହନ ମନ୍ତ୍ରୀଙ୍କ ନେତୃତ୍ୱରେ ଯିବ ୫ ଜଣିଆ ଟିମ୍। ଦୁର୍ଘଟଣାରେ କେହି ଓଡିଆଙ୍କ ମୃତାହତ ହୋଇଥିଲେ ସାହାଯ୍ୟ କରିବେ। ଆହତମାନଙ୍କ ଚିକିତ୍ସା ମଧ୍ୟ ତଦାରଖ କରାଯିବ।