କମ୍ପ୍ଲାନ୍ ପ୍ୟାକେଟରେ ପୋକ

ନୂଆଦିଲ୍ଲୀ: ମ୍ୟାଗିକୁ ନେଇ ବିବାଦ ଥମିନଥିବା ବେଳେ କମ୍ପ୍ଲାନ୍ ଡ୍ରିଙ୍କ୍ ପ୍ୟାକେଟରେ ବାହାରିଛି ପୋକ। ଉତ୍ତରପ୍ରେଦଶର ରାଜଧାନୀ ଲକ୍ଷ୍ନୌର ବାସିନ୍ଦା ତନୀଶା ରାୟ ସିଘାଂନିଆ ଆଣିଛନ୍ତି ଏହି ଅଭିଯୋଗ। ତନୀଶା ପ୍ୟାକେଟ୍ ଖୋଲିବା ମାତ୍ରେ ଏଥିରେ ପୋକ ସାଲୁବାଲୁ ହେଉଥିବା ଦେଖିବାକୁ  ପାଇଥିଲେ। ପୋକ ଗୁଡ଼ିକ ଦୁଇ ପ୍ରକାର ଥିଲେ। କିଛି ପୋକ ଧଳା ଦେଖାଯାଉଥିବା ବେଳେ ଆଉ କିଛି ଥିଲେ କଳା। ପୋକ ଗୁଡ଼ିକ ମରି ଯାଇଥିଲେ।

ତନୀଶା କହିଛନ୍ତି, ଗୋଟିଏ କିମ୍ୱା ଦୁଇଟି ପୋକ ପଡିଥିଲେ ଏହା ଆଖିକୁ ଦେଖାଯାଇ ନଥାଆନ୍ତା। କିନ୍ତୁ ପ୍ୟାକେଟରେ ଶହ ଶହ ମଲା ପୋକ ରହିଥିଲା।

ତନୀଶାଙ୍କ ସ୍ୱାମୀ ଏନେଇ ଅଭିଯୋଗ କରିବା ପରେ ଫୁଡ୍ ସେଫଟି ଆଣ୍ଡ୍ ଡ୍ରଗ୍ସ ଆଡମିନିଷ୍ଟ୍ରେସନ୍ (ଏଫଏସଡିଏ) କମ୍ପ୍ଲାନର ନମୂନା ଯାଞ୍ଚ ପାଇଁ ପଠାଇଛି।

ପୋକ ମିଳିଥିବା କମ୍ପ୍ଲାନ ପ୍ୟାକେଟଟିର ମେନୁଫେକ୍ଚରିଂ ବା ପ୍ରସ୍ତୁତ ତାରିଖ ରହିଥିଲା ୨ ଫେବୃଆରୀ ୨୦୧୫।