କେରଳରେ ସିପିଏମ୍‌ ରାଲି ଉପରେ ବୋମାମାଡ଼: ୯ ଆହତ

କନ୍ନୁର: କେରଳର କନ୍ନୁର ଜିଲ୍ଲା ସ୍ଥିତି କୋୱେଲିକଲରେ ସରକାରୀ ଦଳ ସିପିଏମ୍‌ର ଏକ ରାଲି ଉପରେ ବୋମାମାଡ଼ ହୋଇଛି। ଏଥିରେ ୯ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ୫ ଜଣ ସିପିଏମ୍‌ କର୍ମୀ ଓ ୪ ଜଣ ପୋଲିସ୍‌ କର୍ମଚାରୀ ଅଛନ୍ତି।

ଏପରି ବୋମାମାଡ଼ ପଛରେ ଆରଏସ୍‌ଏସ୍‌ର ହାତ ଥିବା ସିପିଏମ୍‌ ପକ୍ଷରୁ ଅଭିଯୋଗ କରାଯାଇଛି। ଏହି ଘଟଣା ପ୍ରତିବାଦରେ ସରକାରୀ ଦଳ ପକ୍ଷରୁ ଆଜି ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି।

ସୂଚନାଯୋଗ୍ୟ, କେରଳରେ ରାଜନୈତକ ହିଂସା ଉଗ୍ର ରୂପ ନେବାରେ ଲାଗିଛି। ବିଜେପି ଓ ସିପିଏମ୍‌ ମଧ୍ୟରେ କିଛିଦିନ ହେବ ଏକ ପ୍ରକାର ଯୁଦ୍ଧ ଚାଲିଥିବା କହିଲେ ଭୁଲ ହେବନାହିଁ। କେରଳରେ ବିଜେପି ଓ ଆରଏସ୍‌ଏସ୍‌ କର୍ମୀଙ୍କ ହତ୍ୟା ପ୍ରତିବାଦରେ ଦିଲ୍ଲୀରେ ଗତକାଲି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଜନସୁରକ୍ଷା ରାଲି କରିଥିଲେ। ଶାହା ଏହି ଜନସୁରକ୍ଷା ଯାତ୍ରା କନ୍ନୁରର ପୟନ୍ନୁରରୁ ପ୍ରଥମେ ଆରମ୍ଭ କରିଥିଲେ।