କୋଲକାତାରେ ଫ୍ଲାଇଓଭର ଭୁଶୁଡ଼ିବା ଘଟଣା: ଆହତଙ୍କୁ ଭେଟିଲେ ରାହୁଲ

rahulକୋଲକାତା: କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ଶନିବାର କୋଲାକାତାର ନିର୍ମାଣାଧୀନ ଫ୍ଲାଇଓଭର ଭୁଶୁଡ଼ିଥିବା ଘଟଣାସ୍ଥଳ ପରିଦର୍ଶନ କରିଥିଲେ ଓ ଆହତଙ୍କୁ ଭେଟିଥିଲେ।

ସେ କହିଥିଲେ,“ରାଜନୀତି କରିବାକୁ ମୁଁ ଏଠାକୁ ଆସିନାହିଁ। ଦୁର୍ଘଟଣାରେ ଆହତ ହୋଇଥିବା ଲୋକମାନଙ୍କୁ  ଦେଖା କରିବାକୁ ଆସିଛି।”

ଅନ୍ୟପକ୍ଷରେ ଏହି ନିର୍ମାଣାଧୀନ ଫ୍ଲାଇଓଭର୍ ଭୁଶୁଡ଼ିବା ଘଟଣାରେ ମୃତ୍ୟୁ ସଂଖ୍ୟା ବୃଦ୍ଧି ପାଇ ୨୬ରେ ପହଞ୍ଚିଛି। ଏହି ଦୁର୍ଘଟଣାରେ ୮୦ ଜଣ ଗୁରୁତର ଆହତ ହୋଇ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।

ଏହାକୁ ନିର୍ମାଣ କରୁଥିବା ହାଇଦ୍ରାବାଦ କମ୍ପାନୀର ୩ଜଣ ଉଚ୍ଚ ଅଧିକାରୀଙ୍କୁ ଗିରଫ କରାଯାଇଛି। ସେମାନଙ୍କ ବିରୋଧରେ ହତ୍ୟା ମାମଲା ରୁଜୁ କରାଯାଇଛି। ଏହି ଘଟଣାରେ ରାଜ୍ୟ ସରକାର ମେଟ୍ରୋପୋଲିଟନ୍ ଡେଭଲପ୍ ଅଥରିଟିର ଦୁଇ ଜଣ ବରିଷ୍ଠ ଯନ୍ତ୍ରୀଙ୍କୁ କାର୍ଯ୍ୟରୁ ନିଲମ୍ବନ କରିଛନ୍ତି।

ସୂଚନାଯୋଗ୍ୟ, ମାର୍ଚ୍ଚ ୩୧ ତାରିଖରେ ଉତ୍ତର କୋଲକାତାର ବଡ଼ବଜାର ଗଣେଶ ଟକିଜ୍ ନିକଟରେ ଏହି ନିର୍ମାଣାଧୀନ ଫ୍ଲାଇଓଭର ଭୁଶୁଡି ପଡ଼ିଥିଲା।