ଓଭରଟେକ୍‌ ପଡ଼ିଲା ମହଙ୍ଗା: ତିନି ପଲଟା ଖାଇଲା ଇକୋ କାର, ଡ୍ରାଇଭର ମୃତ

ନୋଏଡା: ଗ୍ରେଟର ନୋଏଡାର ଏକ୍ସପ୍ରେସ୍-ୱେରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତ୍ୟୁ ଘଟିଥିବା ଗାଡି ଡ୍ରାଇଭର ମାରୁତି ଇକୋ ଚଲାଉଥିଲେ। ଗାଡିଟିର ବେଗ ଅଧିକ ଥିବା ଭିଡିଓରୁ ଜଣାପଡ଼ିଛି। ଅନ୍ୟ ଗାଡିକୁ ଓଭରଟେକ୍ କରିବାକୁ ଯାଇ ଏହି ଦୁର୍ଘଟଣା ଘଟିଛି।

ସ୍ୱେଫ୍ଟ ଡିଜାୟର ଆଗକୁ ଯିବାକୁ ହଠାତ୍ ନିଜ ଲେନ୍‌ ବଦଳା ଦେଇଥିଲେ। ଫଳରେ ଯାଉଥିବା ଏକ ଲାମ୍‌ବ୍ରୋଗ୍ରତନ୍‌ ଭାରସାମ୍ୟ ହରାଇ ଇକୋ କାର୍‌କୁ ଧକ୍କା ଦେଇଥିଲା। ଗାଡିର ଗତି ଅଧିକ ଥିବା ବେଳେ ଧକ୍କା ଏତେ ଜୋରଦାର ହୋଇଥିଲା ଯେ ଇକୋ କାରଟି ୨ରୁ ୩ ଥର ଓଲଟି କିଛି ଦୂରରେ ପଡ଼ିଥିଲା।

ଗଣମାଧ୍ୟମ ରିପୋର୍ଟ ଅନୁସାରେ ମାରୁତି ଇକୋର ଡ୍ରାଇଭର ଶରଦ ମହମ୍ମଦଙ୍କୁ ସଙ୍ଗେ ସଙ୍ଗେ ହସ୍ପିଟାଲ ନିଆଯାଇଥିଲା। ହେଲେ ବାଟରେ ତାଙ୍କର ମୃତ୍ୟୁ ଘଟିଥିଲା। ସ୍ୱେଫ୍ଟ ଡିଜାୟର ଗାଡିର ଡ୍ରାଇଭରକୁ ଗିରଫ କରାଯାଇଛି।