ବିଜେପି ସାଂସଦଙ୍କ କଥା ଶୁଣି ହସରେ ଫାଟିଲା ଲୋକସଭା

ନୂଆଦିଲ୍ଲୀ: ବିଜେପିର ନେତାମାନେ ବାରମ୍ୱାର ବିବାଦୀୟ ମନ୍ତବ୍ୟ ଦେଇ ଲୋକଲୋଚନକୁ ଆସିଥାଆନ୍ତି। ତେବେ ବିଜେପି ସାଂସଦ ହରିନାରାୟଣ ରାଜଭର୍‌ ଦେଇଥିବା ମନ୍ତବ୍ୟକୁ ନେଇ ଗତକାଲି ଲୋକସଭାରେ ହାସ୍ୟରୋଳ ଦେଖିବାକୁ ମିଳିଥିଲା।

ସେ କହିଥିଲେ,“ସରକାର ମହିଳା କମିଶନ୍ ସହିତ ଅନେକ କମିଶନ୍ ଗଠନ କରିଛନ୍ତି। କିନ୍ତୁ ପୁରୁଷଙ୍କ ସମସ୍ୟାର ସମାଧାନ ପାଇଁ କୌଣସି କମିଶନ୍ ନାହିଁ। ଅନେକ ପୁରୁଷ ନିଜ ସ୍ତ୍ରୀଙ୍କ ଦ୍ୱାରା ନିର୍ଯାତିତ ହେଉଛନ୍ତି। ସ୍ତ୍ରୀଙ୍କ ରୋଷର ଶିକାର ହୋଇ ଅନେକ ପୁରୁଷ ଜେଲ୍‌ରେ ମଧ୍ୟ ଅଛନ୍ତି। ସେମାନଙ୍କ ସମସ୍ୟାର ସମାଧାନ ପାଇଁ ପୁରୁଷ କମିଶନ୍‌ ଗଠନ ହେବା ଆବଶ୍ୟକ।”

ଗତକାଲି ଶୂନ୍ୟକାଳରେ ସେ ଗୃହରେ ଏ କଥା ଉଠାଇଥିଲେ। ତାଙ୍କର ଏହି ଦାବି ଶୁଣି ଗୃହରେ ହାସ୍ୟରୋଳ ଦେଖିବାକୁ ମିଳିଥିଲା। ଉପସ୍ଥିତ ସମସ୍ତ ସାଂସଦ ହସିଥିଲେ।