ଲୋକସଭାର ପୂର୍ବତନ ବାଚସ୍ପତି ତଥା କଂଗ୍ରେସର ବରିଷ୍ଠ ନେତା ବଳରାମ ଜାଖଡ଼ଙ୍କ ପରଲୋକ

ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ତଥା ଲୋକସଭାର ପୂର୍ବତନ ବାଚସ୍ପତି ବଳରାମ ଜାଖଡ଼ଙ୍କ(୯୨) ଆଜି ନୂଆଦିଲ୍ଲୀରେ ପରଲୋକ ଘଟିଛି। ଦୀର୍ଘଦିନ ହେବ ସେ ଅସୁସ୍ଥ ଥିଲେ। ୧୯୮୦ରୁ ୧୯୮୯ ମଧ୍ୟରେ ଲୋକସଭାର ବାଚସ୍ପତି ଥିଲେ। ଏହାସହ ସେ ୨୦୦୪ରୁ ୨୦୦୯ ମଧ୍ୟରେ ମଧ୍ୟପ୍ରଦେଶର ରାଜ୍ୟପାଳ ଥିଲେ। ୧୯୭୨ରେ ବଳରାମ ପ୍ରଥମ ଥର ପଞ୍ଜାବ ବିଧାନସଭା ନିର୍ବାଚନରେ ବିଜୟୀ ହୋଇ ରାଜନୀତି କ୍ୟାରିୟର୍ ଆରମ୍ଭ କରିଥିଲେ। ୨୩ ଅଗଷ୍ଟ ୧୯୨୩ରେ ପଞ୍ଜାବର ଫଜ୍ଲିକା ସେ ଜନ୍ମ ଗ୍ରହଣ କରିଥିଲେ।

୧୯୮୦ରେ ସେ ଫିରୋଜପୁରରୁ ଲୋକସଭା  ନିର୍ବାଚନରେ ବିଜୟୀ ହୋଇଥିଲେ। ପ୍ରଥମ ଏସିଅ ଭାବେ ସେ କମନୱେଲଥ୍ ଗେମ୍ ପାର୍ଲାମେଣ୍ଟରିୟାନ୍ ଏଜ୍ୟୁକେଟିଭି ଫୋରମର ଅଧ୍ୟକ୍ଷ ହୋଇଥିଲେ। ପି.ବି ନରସିଂହ ରାଓଙ୍କ ସରକାର ସମୟରେ ସେ କେନ୍ଦ୍ର କୃଷି ମନ୍ତ୍ରୀ ଥିଲେ। କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ବଳରାମ ଜଖଡ଼ଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି।