କମିଲା ଗ୍ୟାସ୍ ଦର, ମଧ୍ୟରାତ୍ରରୁ ଲାଗୁ

ନୂଆଦିଲ୍ଲୀ: କାମଚଳା ବଜେଟ୍‌ ଆଗତ ପୂର୍ବରୁ ମୋଦି ସରକାର ଗୃହୁଣୀମାନଙ୍କୁ ବଡ଼ ଉପହାର ଦେଇଛନ୍ତି। ଆଜି ଉଭୟ ସବ୍‌ସିଡି ଓ ଅଣ-ସବସିଡି ଏଲପିଜିର ଦର ହ୍ରାସ ପାଇଛି। ସବସିଡି ଗ୍ୟାସ୍‌ ସିଲଣ୍ଡର ପିଛା ୧.୪୬ ଟଙ୍କା ହ୍ରାସ ପାଇଥିବା ବେଳେ ଅଣ ସବସିଡି ଗ୍ୟାସ୍‌ ସିଲଣ୍ଡର ପିଛା ୩୦ ଟଙ୍କା ହ୍ରାସ ପାଇଛି। ଆଜି ମଧ୍ୟରାତ୍ରରୁ ଏହି ନୂଆ ଦର ଲାଗୁ ହେବ।

ଏହି ନୂଆ ଦର ପରେ ଏବେ ଦିଲ୍ଲୀରେ ୧୪.୨ କେଜି ଗ୍ୟାସର ଦର ୪୯୩.୫୩ ଟଙ୍କା ହୋଇଛି। ପୂର୍ବରୁ ଏହା ୪୯୪.୯୯ ଟଙ୍କା ରହିଥିଲା। ସେହିପରି ଅଣସବସିଡି ଗ୍ୟାସ ଦର ୬୮୯ରୁ ହ୍ରାସ ପାଇ ୬୫୯ରେ ପହଞ୍ଚିଛି।

ଏବେ ପରିବର୍ତ୍ତିତ ଦର ପରେ ସବସିଡି ବାବଦରେ ଗ୍ରାହକମାନେ ସେମାନଙ୍କ ବ୍ୟାଙ୍କ ଆକାଉଣ୍ଟରେ ୧୬୫.୪୭ ଟଙ୍କା ପାଇବେ। ପୂର୍ବରୁ ସେମାନେ ୧୯୪.୦୧ ଟଙ୍କା ପାଉଥିଲେ।