ମୋଦିଙ୍କ ମନର କଥା : କହିଲେ ବିଦେଶ ବଦଳରେ ଦେଶରେ ବୁଲ , ଖଦି ପିନ୍ଧ  

ନୂଆଦିଲ୍ଲୀ: ଭାରତ ହେଉଛି ବିବିଧତାର ଦେଶ ଏଠାରେ ବିଭିନ୍ନ ଭାଷା, ଧର୍ମ ଓ ଜାତିର ଲୋକ ବାସ କରନ୍ତି।  ତେଣୁ ଏହାର ବିବିଧତାକୁ ଅନୁଭବ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ କି ବାତ୍ ଜରିଆରେ ଦେଶବାସୀଙ୍କୁ ଆହ୍ୱାନ ଦେଇଛନ୍ତି ।ଏହାଦ୍ୱାରା ବ୍ୟକ୍ତିତ୍ୱର ବିକାଶ ହୋଇପାରିବ ବୋଲି ମୋଦି କହିଛନ୍ତି । ମନ୍ କି ବାତ୍ କାର୍ଯ୍ୟକ୍ରମର ୩୬ତମ ସଂସ୍କରଣରେ ମୋଦି ବିଦେଶ ଯିବା ବଦଳରେ ଦେଶର ପର୍ଯ୍ୟଟନ ସ୍ଥଳୀ ବୁଲିବା ପାଇଁ ଲୋକମାନଙ୍କୁ ଅପିଲ୍ କରିଛନ୍ତି।  ମୋଦି କହିଛନ୍ତି, ବୁଲିବା ପାଇଁ ବିଦେଶ ଯାଅ, କିନ୍ତୁ ପ୍ରଥମେ ନିଜ ଦେଶକୁ ଗୁରୁତ୍ୱ ଦେବା ଉଚିତ୍।

ଦେଶରେ ଏପରି ଅନେକ ସୁନ୍ଦର ପର୍ଯ୍ୟଟନସ୍ଥଳୀ ଅଛି, ଯାହା ବିଷୟରେ ଅଧିକାଂଶ ଜାଣିନାହାନ୍ତି । ତେଣୁ ସେସବୁ ସ୍ଥାନ ବୁଲିଲେ ଦେଶରେ ପର୍ଯ୍ୟଟନ ଶିଳ୍ପର ବିକାଶ ହେବ । ଏଥିସହ ମୋଦି ଅଧିକରୁ ଅଧିକ ଖଦି ବ୍ୟବହାର କରିବାକୁ ଦେଶବାସୀଙ୍କୁ କହିଛନ୍ତି । ଖଦି କେବଳ ବସ୍ତ୍ର ନୁହେଁ, ଏହା ଏକ ବିଚାର । ଧୀରେ ଧୀରେ ଖଦି ପ୍ରତି ଯୁବପିଢ଼ୀଙ୍କ ରୁଚି ବଢୁଛି।  ତେଣୁ ଗାନ୍ଧି ଜୟନ୍ତୀରେ ଖଦି କିଣିବାକୁ ମୋଦି ଅପିଲ୍ କରିଛନ୍ତି।