ମୋଦୀଙ୍କ ଦୀପାବଳି ଉପହାର, ୨୦ଟି ବିଶ୍ୱବିଦ୍ୟାଳୟକୁ ମିଳିବ ୧୦ ହଜାର କୋଟି ଟଙ୍କ।ର ପାଣ୍ଠି

ପାଟନା: ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ପାଟଣା ବିଶ୍ୱ ବିଦ୍ୟାଳୟର ଶତାବ୍ଦୀ ସମାରୋହରେ ଆଜି ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି। ସମାରୋହରେ ବିହାରର ମୁଖ୍ୟମନ୍ତ୍ରୀ ନୀତୀଶ କୁମାର, ରାଜ୍ୟପାଳ ସତ୍ୟପାଳ ମଲ୍ଲିକ୍ ଏବଂ ଉପମୁଖ୍ୟମନ୍ତ୍ରୀ ସୁଶୀଲ ମୋଦି ମଧ୍ୟ ସାମିଲ ହୋଇଛନ୍ତି।

ସମାରୋହରେ ଆଇଆଇଏମର ଉଦାହରଣ ଦେଇ ମୋଦି କହିଛନ୍ତି ନୂଆ ଯୋଜନା ଅନୁଯାୟୀ ଦେଶର ୧୦ଟି ଘରୋଇ ବିଶ୍ୱବିଦ୍ୟାଳୟ ଓ ସରକାରୀ ବିଶ୍ୱ ବିଦ୍ୟାଳୟକୁ ବିଶ୍ୱ ମାନ୍ୟତା ଦେବା ପାଇଁ ସରକାରୀ ନିୟମରୁ ମୁକ୍ତି ଦେବାର ଯୋଜନା ରହିଛି। ଆସନ୍ତା ପାଞ୍ଚ ବର୍ଷ ମଧ୍ୟରେ ଏହି ବିଶ୍ୱବିଦ୍ୟାଳୟ ଗୁଡିକୁ ୧୦ ହଜାର କୋଟି ଟଙ୍କ।ର ପାଣ୍ଠି ଦେବାର ଯୋଜନା ରହିଛି। ମୋଦି କହିଛନ୍ତି ଏହି ବିଶ୍ୱବିଦ୍ୟାଳୟ ଗୁଡିକର ଚୟନ କୌଣସି ନେତା କରିବେ ନାହିଁ। ଏଥିପାଇଁ ପ୍ରତିଯୋଗିତା ହେବ ଏବଂ ପ୍ରଫେଶନାଲ ଏଜେନ୍ସି ଏହାର ଚୟନ କରିବେ।