ପୁର୍ତ୍ତଗାଲ ସହ ୧୧ଟି ଚୁକ୍ତି କଲେ ମୋଦି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତ୍ରିରାଷ୍ଟ୍ରୀୟ ଯାତ୍ରାର ପ୍ରଥମ ଭାଗରେ ପୁର୍ତ୍ତଗାଲରେ ଯାଇ ପହଞ୍ଚିଛନ୍ତି। ଏହି ଅବସରରେ ମୋଦି ଆତଙ୍କବାଦ ମୁକାବିଲା ଓ ଜଳବାୟୁ ଅଧ୍ୟୟନ ପରି କ୍ଷେତ୍ରରେ ସହଯୋଗ ଉପରେ ପୁର୍ତ୍ତଗାଲ ପ୍ରଧାନମନ୍ତ୍ରୀ ଆଣ୍ଟୋନିୟୋ କୋଷ୍ଟା ସହ ଆଲୋଚନା କରିଛନ୍ତି।

ଏହାସହିତ ଭାରତ-ପୁର୍ତ୍ତଗାଲ ମଧ୍ୟରେ  ଯୁବ ଏବଂ ସାଂସ୍କୃତିକ ଆଦାନ ପ୍ରଦାନ ସମେତ ୧୧ଟି ଦ୍ୱିପାକ୍ଷିକ ଚୁକ୍ତି ଉପରେ ବୁଝାମଣା ହୋଇଛି। ମୋଦି କହିଛନ୍ତି,“ଆମେ ଚାରି ମିଲିୟନ୍ ୟୁରିରେ ଏକ ସାଇନ୍ସ ଓ ଟେକ୍ନଲୋଜି ଫଣ୍ଡ୍ ନିର୍ମାଣ କରିବା ପାଇଁ ସହମତି ପ୍ରକାଶ କରିଛୁ। କରପ୍ରଦାନ,ବିଜ୍ଞାନ, ସ୍ପାଇସେସ୍, ଯୁବ ବ୍ୟାପର ଓ କ୍ରୀଡ଼ା କ୍ଷେତ୍ରରେ ନୂଆ ବୁଝାମଣା ହୋଇଥିବ ମୋଦି କହିଛନ୍ତି। ଆତଙ୍କବାଦ ଓ ହିଂସା ବିରୋଧରେ ଦୁଇ ଦେଶ ମଧ୍ୟରେ ସମ୍ପର୍କ ମଜଭୁତ କରିବା ପାଇଁ ଦୃଢ ସଂକଳ୍ପ ନିଆଯାଇଛି।