ମୁସାରଫଙ୍କ ବିରୁଦ୍ଧରେ ଜାମିନ ବିହୀନ ଗିରଫ ପରୱାନା

ଇସଲାମବାଦ: ପାକିସ୍ତାନ ପୂର୍ବତନ ରାଷ୍ଟ୍ରପତି ପରଭେଜ ମୁସାରଫଙ୍କ ବିରୁଦ୍ଧରେ ଏକ କୋର୍ଟ ଶୁକ୍ରବାର ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି। ଲାଲ ମସଜିଦ୍ ଧର୍ମଗୁରୁ ଅବଦୁଲ ରଶିଦ ଗାଜିଙ୍କ ହତ୍ୟାକାଣ୍ଡ ଘଟଣାରେ କୋର୍ଟ ତାଙ୍କ ବିରୁଦ୍ଧରେ ଏହି ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି। ୨୦୦୭ରେ ସେନାର ଏକ ଅପରେସନରେ ଅବଦୁଲ ରଶିଦ ଗାଜିଙ୍କ ମୃତ୍ୟୁ ହୋଇଥିଲା।

କୋର୍ଟ ଏହି ମାମଲାର ପରବର୍ତ୍ତୀ ଶୁଣାଣି ହେବ ଜୁଲାଇ ୨୪ ତାରିଖରେ।

ଗତକାଲି କୋର୍ଟ ତାଙ୍କ ରାୟ ସଂରକ୍ଷିତ ରଖିଥିଲେ।

୭୧ ବର୍ଷୀୟ ମୁସାରଫ ଏବେ କରାଚିରେ ତାଙ୍କ ଝିଅ ଘରେ ରହୁଛନ୍ତି। ଶରୀର ଅସୁସ୍ଥତା ଦର୍ଶାଇ ସେ କୋର୍ଟକୁ ଯାଉ ନାହାନ୍ତି।

୨୦୧୩ରେ ଲାଲ ମସଜିଦ୍ ଧର୍ମଗୁରୁ ଅବଦୁଲ ରଶିଦ ଗାଜିଙ୍କ ପରିବାର ଲୋକେ ମୁସାରଫଙ୍କ ବିରୁଦ୍ଧରେ ମାମଲା ରୁଜୁ କରିଥିଲେ। ଅବଦୁଲ ରଶିଦଙ୍କୁ ହତ୍ୟା କରିବା ପଛରେ ମୁସାରଫଙ୍କ ହାତ ରହିଛି ବୋଲି ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି।