ପାକିସ୍ତାନ ବନ୍ଦ କଲା ସବୁ ଏୟାରପୋର୍ଟ ଓ ବାୟୁସୀମା

ଇସ୍‌ଲାମାବାଦ: ଭାରତୀୟ ଯୁଦ୍ଧ ବିମାନ ପାକିସ୍ତାନର ଏଫ୍‌-୧୬ ବିମାନକୁ ଖସାଇବା ପରେ ଏବେ ଉଭୟ ଦେଶ ମୁହାଁମୁହିଁ ହୋଇଛନ୍ତି। ପାକ୍‌ ସେନାର ବିମାନ ଜମ୍ମୁ-କଶ୍ମୀରର ନୌଶେରା ଓ ପୁଞ୍ଚଠାରେ ସୀମା ଉଲ୍ଲଙ୍ଘନ କରିବାରୁ ଭାରତ ଏହାର ଜବାବ ଦେଇଥିଲା।

ଏହାପରେ ପାକିସ୍ତାନ ପରିସ୍ଥିତିକୁ ଦୃଷ୍ଟିରେ ରଖି ଦେଶର ସବୁ ଏୟାରପୋର୍ଟରୁ ଉଡ଼ାଣ ବନ୍ଦ କରି ଦେଇଛି। ସେହିପରି ବାୟୁସୀମାକୁ ମଧ୍ୟ ସିଲ କରିଛି। ଲାହୋର, ମୁଲତାନ, ଫୈସଲାବାଦ, ସିଆଲକୋଟ ଓ ଇସ୍‌ଲାବାଦରୁ ଉଭୟ ଘରୋଇ ଏବଂ ଅନ୍ତର୍ଜାତୀୟ ବିମାନ ସେବାକୁ ବନ୍ଦ କରାଯାଇଛି। ଏଥିଯୋଗୁ ଭାରତ ଓ ପାକିସ୍ତାନର ବାୟୁ ସୀମା ଦେଇ ଯାତାୟାତ କରୁଥିବା ଅନ୍ତର୍ଜାତୀୟ ବିମାନଗୁଡ଼ିକ ଅସୁବିଧାର ସମ୍ମୁଖୀନ ହେଉଛନ୍ତି।