ପେପ୍‌ସିକୋ ସିଇଓ ପଦ ଛାଡ଼ିବେ ଇନ୍ଦ୍ରା ନୁଇ

ନୂଆଦିଲ୍ଲୀ: ମୃଦୁ ପାନୀୟ କମ୍ପାନୀ ପେପ୍‌ସିକୋରେ ଏବେ ବିବାଦ ଦେଖାଯାଇଛି। ଦୀର୍ଘ ୧୨ ବର୍ଷ ହେଲା ପେପ୍‌ସିକୋ କମ୍ପାନୀର ସିଇଓ ଭାବେ କାର୍ଯ୍ୟ କରୁଥିବା ଇନ୍ଦ୍ରା ନୁଇ ଆଜି ଅପ୍ରତ୍ୟାଶିତ ଭାବ ନିଜ ପଦରୁ ଅବ୍ୟାହତି ନେବେ ବୋଲି ଜଣାପଡ଼ିଛି।

ସେ ଅକ୍ଟୋବର ୩ରେ କମ୍ପାନୀରୁ ବିଦାୟ ନେବେ। କିନ୍ତୁ ସେ ୨୦୧୯ ଯାଏ କମ୍ପାନୀର ଚେୟାରମ୍ୟାନ୍‌ ଭାବେ କାର୍ଯ୍ୟ କରିବେ। ତାଙ୍କ ସ୍ଥାନରେ ପେପ୍‌ସିକୋ ସଭାପତି ରାମନ୍‌ ଲାଗୁଆରତା କମ୍ପାନୀର ସିଇଓ ଦାୟିତ୍ୱ ନେବେ ବୋଲି ଜଣାପଡ଼ିଛି।

ବୋର୍ଡ ଡାରେକ୍ଟରମାନେ ସର୍ବସମ୍ମତି କ୍ରମେ ଲାଗୁଆରତାଙ୍କୁ ସିଇଓ ପାଇଁ ମନୋନୀତ କରିଛନ୍ତି।

ତେବେ ହଠାତ୍‌ କ’ଣ ପାଇଁ ଇନ୍ଦ୍ରା ନୁଇ ନିଜ ପଦରୁ ଅବ୍ୟାହତି ନେଲେ, ତାହା ଜଣାପଡ଼ିନାହିଁ। କିନ୍ତୁ କିଛି ଦିନ ହେଲା, ପେପ୍‌ସିକୋ କମ୍ପାନୀରେ ଇନ୍ଦ୍ରା ନୁଇ ଓ ମ୍ୟାନେଜମେଣ୍ଟ ମଧ୍ୟରେ ବିବାଦ ରହିଥିଲା ବୋଲି ଚର୍ଚ୍ଚା ହେଉଥିଲା।