ତୈଳଦର ଉପରୁ ୪% ଭ୍ୟାଟ୍‌ ହ୍ରାସ କଲେ ରାଜସ୍ଥାନ ସରକାର

ଜୟପୁର: ରାଜସ୍ଥାନର କ୍ଷମତାସୀନ ବସୁନ୍ଧରା ରାଜେ ସରକାର ଏବେ ତୈଳଦର ହ୍ରାସ କରିବାକୁ ଅଣ୍ଟା ଭଡ଼ିଛନ୍ତି। ବର୍ଦ୍ଧିତ ତୈଳଦର ଯୋଗୁ ଜନଅସନ୍ତୋଷ ବଢ଼ୁଥିବାରୁ ଆଜି ମୁଖ୍ୟମନ୍ତ୍ରୀ ବସୁନ୍ଧରା ରାଜେ ପେଟ୍ରୋଲ ଓ ଡିଜେଲ ଉପରୁ ୪% ଭ୍ୟାଟ୍‌ ହ୍ରାସ କରିଛନ୍ତି। 
 
ଏହି ଘୋଷଣା ପରେ ରାଜସ୍ଥାନରେ ଏଣିକି ପେଟ୍ରୋଲ ଓ ଡିଜେଲ୍‌ର ଲିଟର୍‌ ପିଛା ଦର ୨.୫ ଟଙ୍କା ହ୍ରାସ ପାଇଛି। ପୂର୍ବରୁ ରାଜସ୍ଥାନ ସରକାର ପେଟ୍ରୋଲ ଉପରେ ୩୦% ଭ୍ୟାଟ୍‌ ଆଦାୟ କରୁଥିବା ବେଳେ ଡିଜେଲ୍‌ ଉପରେ ୨୨% ଭ୍ୟାଟ୍‌ ଆଦାୟ କରୁଥିଲେ। 
କିନ୍ତୁ ଏବେ ପେଟ୍ରୋଲ ଉପରେ ୨୬% ଓ ଡିଜେଲ୍‌ ଉପରେ ୧୮% ଭ୍ୟାଟ୍‌ ଆଦାୟ ହେବ ବୋଲି ଶ୍ରୀମତୀ ରାଜେ ଘୋଷଣା କରିଛନ୍ତି। ଏଭଳି ଭ୍ୟାଟ୍‌ ହ୍ରାସ ଯୋଗୁ ରାଜ୍ୟ ସରକାରଙ୍କ ଉପରେ ୨ ହଜାର କୋଟିର ଆର୍ଥିକ ବୋଝ ପଡ଼ିବ।