ବିଶ୍ୱ ଅର୍ଥନିତୀରେ ଅସ୍ଥିରତା: ଶିଳ୍ପସଂସ୍ଥା ମୁଖ୍ୟଙ୍କୁ ଭେଟିଲେ ମୋଦି

PM Modi chairs high level meeting on global economic scenarioନୂଆଦିଲ୍ଲୀ: ବିଶ୍ୱ ଅର୍ଥନୀତିରେ ଦେଖା ଦେଇଥିବା ଅସ୍ଥିରତାର ପ୍ରଭାବ ଭାରତୀୟ ଅର୍ଥନୀତି ଉପରେ ପଡିଛି। ଏହାକୁ ନେଇ ଚିନ୍ତାରେ ମୋଦି ସରକାର। ମଙ୍ଗଳବାର ଏହାକୁ ନେଇ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୪୦ଟି ଶିଳ୍ପସଂସ୍ଥାର ମୁଖ୍ୟଙ୍କୁ ଭେଟିଛନ୍ତି। ମୋଦିଙ୍କ ସେଭେନ୍ ରେସକୋର୍ସ ବାସଭବନରେ ଏନେଇ ବୈଠକ ଚାଲିଛି। ଏଥିରେ ରିଲାଏନ୍ସ ଇଣ୍ଡଷ୍ଟ୍ରୀର ମୁଖ୍ୟ ମୁକେଶ ଅମ୍ୱାନୀ, ଟାଟା ଗ୍ରୁପ୍ ଚେୟାରମ୍ୟାନ୍ ସାଇରସ୍ ମିସ୍ତ୍ରୀ, ଅଦାନୀ ଗ୍ରୁପ୍ ମୁଖ୍ୟ ଗୌତମ୍ ଅଦାନୀ ଓ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ଅରୁନ୍ଧତୀ ଭଟ୍ଟାଚାର୍ଯ୍ୟ ପ୍ରମୁଖ ଯୋଗ ଦେଇଛନ୍ତି। ବୈଠକରେ ଆରବିଆଇ ଗଭର୍ଣ୍ଣର ରଘୁରାମ ରାଜନ ଓ ନୀତି ଆୟୋଗ ଉପାଧ୍ୟକ୍ଷ ଅରବିନ୍ଦ ପନଗାଢ଼ିଆ ମଧ୍ୟ ଯୋଗ ଦେଇଛନ୍ତି। ଏଥିରେ ବିଶ୍ୱ ଅର୍ଥନୀତିରେ ଭାରତ ପାଇଁ ବିଭିନ୍ନ ସୁଯୋଗକୁ ନେଇ ଚର୍ଚ୍ଚା ହେଉଛି। ଏଥିସହ ଅର୍ଥ ବ୍ୟବସ୍ଥାରେ ବିଭିନ୍ନ ଚ୍ୟାଲେଞ୍ଜ ଓ ସେୟାର ବଜାର ଅବନତିର କାରଣକୁ ନେଇ ମଧ୍ୟ ଆଲୋଚନା  ଜାରି ରହିଛି।