ବିରାଟଙ୍କ ଚ୍ୟାଲେଞ୍ଜ ଗ୍ରହଣ କଲେ ମୋଦି; ଟ୍ୱିଟ୍‌ରେ ପୋଷ୍ଟ୍ କଲେ ଭିଡିଓ

ନୂଆଦିଲ୍ଲୀ: ଆପଣମାନଙ୍କର ମନେ ଥିବ ଗତ ମାସରେ ଭାରତୀୟ କ୍ରିକେଟ୍‌ ଦଳର ଅଧିନାୟକ ବିରାଟ କୋହଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଚ୍ୟାଲେଞ୍ଜ ଦେଇଥିଲେ। ଏହି ଚ୍ୟାଲେଞ୍ଜ ଥିଲା ‘ଫିଟ୍‌ନେସ୍‌’କୁ ନେଇ। ଏହା ଥିଲା କେନ୍ଦ୍ର କ୍ରୀଡ଼ା ଓ ଯୁବ ବ୍ୟାପାର ତଥା ସୂଚନା ଓ ପ୍ରସାରଣ ମନ୍ତ୍ରୀ ରାଜବର୍ଦ୍ଧନ ସିଂହ ରାଠୋର ଆରମ୍ଭ କରିଥିବା ‘ହମ୍ ଫିଟ୍ ତୋ ଇଣ୍ଡିଆ ଫିଟ୍’ ଅଭିଯାନର ଏକ ଅଂଶ। କେନ୍ଦ୍ର କ୍ରୀଡ଼ା ମନ୍ତ୍ରୀଙ୍କ ଚ୍ୟାଲେଞ୍ଜକୁ ବିରାଟ ଗ୍ରହଣ କରି ଟ୍ୱିଟର ଏକାଉଣ୍ଟରେ ନିଜର ବ୍ୟାୟାମ ସମ୍ବଳିତ ଏକ ଭିଡିଓ ପୋଷ୍ଟ କରିଥିଲେ ଏବଂ ପ୍ରଧାନମନ୍ତ୍ରୀଙ୍କ ସହିତ ନିଜ ପତ୍ନୀ ଅନୁଷ୍କା ଏବଂ ମହେନ୍ଦ୍ର ସିଂହ ଧୋନୀଙ୍କୁ ଚ୍ୟାଲେଞ୍ଜ ଦେଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଚ୍ୟାଲେଞ୍ଜକୁ ଗ୍ରହଣ କରିଥିଲେ ଏବଂ ଆଜି ନିଜର ବ୍ୟାୟାମ ସମ୍ବଳିତ ଏକ ଭିଡିଓ ଟ୍ୱିଟର ଏକାଉଣ୍ଟରେ ପୋଷ୍ଟ କରିଛନ୍ତି। ତାଙ୍କର ସକାଳର କିଛି ବ୍ୟାୟାମକୁ ଏଥିରେ ସେ ଦେଖାଇଛନ୍ତି। ପଞ୍ଚ ତତ୍ତ୍ୱ- ପୃଥିବୀ, ଜଳ, ଅଗ୍ନି, ବାୟୁ ଓ ଆକାଶ ଦ୍ୱାରା ଅନୁପ୍ରେରିତ ହୋଇ ନିର୍ମିତ ହୋଇଥିବା ଏକ ବିଶେଷ ଟ୍ରାକ୍‌ ବା ପଥରେ ସେ ଚାଲୁଛନ୍ତି।


ଅନ୍ୟ ଏକ ଟ୍ୱିଟ୍ କରି ସେ କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ୍‌ଡି କୁମାରସ୍ୱାମୀ, ଟେବୁଲ୍ ଟେନିସ୍ ଖେଳାଳି ମନିକା ବାତ୍ରା ଓ ଦେଶର ସମସ୍ତ ଆଇପିଏସ୍ ଅଫିସର (ବିଶେଷ କରି ୪୦ ବର୍ଷରୁ ଊର୍ଦ୍ଧ୍ୱ)ଙ୍କୁ ‘ଫିଟ୍‌ନେସ୍ ଚ୍ୟାଲେଞ୍ଜ’ ଦେଇଛନ୍ତି।

pm

ସେହିଭଳି ଆଉ ଏକ ଟ୍ୱିଟ୍ କରି ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତ୍ୟେକ ଭାରତୀୟ ନିଜର ଫିଟ୍‌ନେସ୍ ପାଇଁ କିଛି ସମୟ ବ୍ୟୟ କରିବା ଦରକାର।

444

ସୂଚନାଯୋଗ୍ୟ, ପ୍ରଥମେ ରାଜ୍ୟବର୍ଦ୍ଧନ ଡିପ୍ସ ମାରି ଏକ ଭିଡିଓ ନିଜ ଟ୍ୱିଟ୍‌ର ପେଜ୍‌ରେ ପୋଷ୍ଟ କରିଥିଲେ ଏବଂ ଅଭିନେତା ହ୍ରିତିକ ରୋଶନ, କ୍ରିକେଟର ବିରାଟ କୋହଲି ଓ ବ୍ୟାଡମିଣ୍ଟନ ତାରକା ସାଇନା ନେହୱାଲଙ୍କୁ ଚ୍ୟାଲେଞ୍ଜ କରିଥିଲେ। ଏହା ସହିତ ସେ ଦେଶର ସମସ୍ତ ନାଗରିକଙ୍କ ଉଦ୍ଦେଶ୍ୟରେ ଲେଖିଥିଲେ ଯେ ଆପଣମାନେ କିପରି ଫିଟ୍ ରହୁଛ ତା’ର ଫଟୋ ଓ ଭିଡିଓ ସୋସିଆଲ୍ ମିଡିଆରେ ପୋଷ୍ଟ କରି ଆପଣମାନଙ୍କ ବନ୍ଧୁମାନଙ୍କୁ ଚ୍ୟାଲେଞ୍ଜ ଦିଅନ୍ତୁ।

ଆହୁରି ପଢ଼ନ୍ତୁଦେଶ ସାରା ଚାଲିଛି ‘ଫିଟ୍‌ନେସ୍‌ ଚ୍ୟାଲେଞ୍ଜ’; ମୋଦିଙ୍କୁ ରାହୁଲ ଦେଲେ ‘ଫୁଏଲ୍ ଚ୍ୟାଲେଞ୍ଜ’ 

This website uses cookies to improve your experience. We'll assume you're ok with this, but you can opt-out if you wish. AcceptRead More